സുപ്രീം കോടതിയില്‍ പട്ടികജാതി വിഭാഗങ്ങള്‍ക്ക് സംവരണം സ്വാഗതാര്‍ഹം: പി.ഡി.പി.
രാജ്യത്തിന്റെ പരമോന്നത നീതിപീഠമായ സുപ്രീംകോടതിയിലും ജീവനക്കാരുടെ നിയമനത്തിലും സ്ഥാനക്കയറ്റത്തിലും പട്ടിക ജാതി -പട്ടിക വര്‍ഗ വിഭാഗങ്ങള്‍ക്ക് സംവരണം ഏര്‍പ്പെടുത്തിയ തീരുമാനം സ്വാഗതാര്‍ഹമാണെന്ന് പി.ഡി.പി. കേന്ദ്രകമ്മിറ്റി .പുതിയ നയം രാജ്യത്തെ എല്ലാ ഭരണഘടനാ സ്ഥാപനങ്ങളിലും സംവരണം നടപ്പിലാക്കാനും പിന്തുടരാനും പ്രേരണയാകും. ഭരണഘടനാ സ്ഥാപനങ്ങള്‍ ഉള്‍പ്പെടെ രാജ്യത്തെ മുഴുവന്‍ കേന്ദ്ര -സംസ്ഥാന -പൊതുമേഖലാ സ്ഥാപനങ്ങളിലും മറ്റ് പിന്നോക്ക വിഭാഗങ്ങള്‍ക്ക് കൂടി സംവരണം ഉറപ്പ് വരുത്തുമ്പോഴാണ് സംവരണ തത്വം യാഥാര്‍ത്ഥ്യമാവുകയെന്നും അത്തരമൊരു ചരിത്ര തീരുമാനത്തിന് കൂടി പുതിയ നയരൂപീകരണം ഉണ്ടാകേണ്ടതുണ്ടെന്നും സംസ്ഥാന ജനറല്‍ സെക്രട്ടറി മൈലക്കാട് ഷാ ആവശ്യപ്പെട്ടു. പ്രഖ്യാപിക്കപ്പെട്ടിട്ടുള്ള ജാതി സെന്‍സസ് പൂര്‍ത്തിയാകുന്നതോടെ രാജ്യത്തെ മുഴുവന്‍ ജാതി-മത-ഗോത്ര വിഭാഗങ്ങളുടേയും സാമൂഹിക സ്ഥിതി വിവരക്കണക്കുകള്‍ പുറത്ത് വരുമെന്നാണ് പ്രതീക്ഷയെന്നും മുഴുവന്‍ ജനവിഭാഗങ്ങള്‍ക്കും അധികാരങ്ങളിലും ഉദ്യോഗങ്ങളിലും ജനസംഖ്യാനുപാതികമായി സംവരണം ഏര്‍പ്പെടുത്തുന്ന നിയമനിര്‍മ്മാണമാണ് ഉണ്ടാകേണ്ടതെന്നും അദ്ദേഹം പറഞ്ഞു.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments