കുമ്പളയിലെ ട്രാഫിക് പരിഷ്കരണം: വ്യാപാരികളുടെയും, നാട്ടുകാരുടെയും നിർദ്ദേശം പരിഗണിച്ചില്ലെങ്കിൽ പ്രക്ഷോഭമെന്ന് വ്യാപാരി സംഘടന..

കുമ്പള : കുമ്പള ഗ്രാമപഞ്ചായത്ത് കുമ്പള ടൗണിൽ നടപ്പിലാക്കിയ ട്രാഫിക് പരിഷ്കരണ രീതിയിൽ സമ്മിശ്ര പ്രതികരണമാണ് ഉണ്ടായിട്ടുള്ളത്. പൊതുജനങ്ങളും, വ്യാപാരികളും,നേരിട്ട പരാതികൾ ചർച്ചചെയ്യാൻ കുമ്പള ഗ്രാമപഞ്ചായത്ത് വിളിച്ചുചേർത്ത യോഗത്തിൽ ഭൂരിഭാഗം അംഗങ്ങളും ട്രാഫിക് പരിഷ്കരണത്തിന്റെ പോരായ്മകൾ ചൂണ്ടിക്കാട്ടിയിരുന്നു. ഒപ്പം പഴയ ബസ്റ്റാൻഡിൽ യാത്രക്കാരെ ഇറക്കാനും, കയറ്റാനും സംവിധാനം ഉണ്ടാക്കണമെന്ന് ഭൂരിഭാഗം അംഗങ്ങളും ആവശ്യപ്പെടുകയും ചെയ്തിരുന്നു. എന്നാൽ യോഗം പ്രഹസനമാക്കി പൊതുജനങ്ങളുടെയും, വ്യാപാരികളുടെയും, രാഷ്ട്രീയപാർട്ടി പ്രതിനിധികളുടെയും നിർദ്ദേശങ്ങൾ ചെവി കൊള്ളാതെ പരീക്ഷണാടിസ്ഥാനത്തിൽ നടപ്പിലാക്കിയ ട്രാഫിക് പരിഷ്കരണവുമായി പഞ്ചായത്ത് ഭരണസമിതിയും, പോലീസ് അധികാരികളും മുന്നോട്ടു പോവുകയാണ്.ഇതിൽ പ്രതിഷേധിച്ച് ശക്തമായ സമരപരിപാടികൾക്ക് രൂപം നൽകിയിരിക്കുകയാണ് വ്യാപാരി വ്യവസായി ഏകോപന സമിതി കുമ്പള യൂണിറ്റ് കമ്മിറ്റി.

 പഞ്ചായത്ത് അധികാരികൾക്ക് നൽകിയ നിവേദനത്തിന് പരിഹാരം കാണാത്തപക്ഷം 2025 നവംബർ ആദ്യവാരം കുമ്പളയിൽ കടകളടച്ച് ഹർത്താൽ സംഘടിപ്പിക്കാനും, കുമ്പള പഞ്ചായത്ത് ഓഫീസിലേക്ക് മാർച്ച് നടത്താനുമാണ് വ്യാപാരികളുടെ തീരുമാനമെന്ന് പ്രസിഡണ്ട് രാജേഷ് മനയത്ത്,സെക്രട്ടറി സത്താർ ആരിക്കാടി എന്നിവർ അറിയിച്ചു.

ഫോട്ടോ:കുമ്പള ടൗൺ

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa