എസ് ഐ ആർ: മൊത്തം ആശയക്കു ഴപ്പം,എന്യൂമറേഷൻ ഫോം പലർക്കും കിട്ടിയില്ല.
ഫോമുകൾ കഴിഞ്ഞ ഒരാഴ്ചയായി ബി എൽ ഒമാർ വിതരണം ചെയ്യുന്നുണ്ട്.ഒരു ദിവസമാകട്ടെ 50 വീടുകളിലെങ്കിലും ബി എൽ ഒ മാർക്ക് എത്താനും സാധിക്കുന്നില്ല.വീട് മാറിപ്പോയവരെ കണ്ടെത്താനുള്ള ജോലികൾ വേറെയും.അത് കൊണ്ട് തന്നെ 2002ലെ വോട്ടർ ലിസ്റ്റിൽ പേരുള്ളവർക്ക് മുഴുവനായും എന്യൂ മറേഷൻ ഫോം വിതരണം ചെയ്യാൻ ബി എൽ ഒ മാർക്ക് ഇതുവരെ കഴിഞ്ഞിട്ടില്ല. വോട്ടർമാരാകട്ടെ ഫോമിന് വേണ്ടിയുള്ള നെട്ടോട്ടത്തിലും.ഫോം കിട്ടാത്ത വെപ്രാളത്തിൽ വോട്ടർമാർ പലരും ബി എൽ ഒ മാരെ വിളിക്കുന്നുമുണ്ട്.പലരും ബി എൽ ഒ മാരെ നേരിട്ട് പോയി കണ്ട് ഫോം വാങ്ങുന്നുമുണ്ട്.
ഫോം പൂരിപ്പിക്കുന്നതിലാണ് വോട്ടർമാരുടെ ആശങ്ക വർദ്ധിപ്പിക്കുന്നത്.23 വർഷം മുമ്പ് തയ്യാറാക്കിയ വോട്ടർ പട്ടികയിൽ പേരുണ്ടോ എന്നും,ഇവ എങ്ങനെ കണ്ടെത്തി രേഖപ്പെടുത്തുമെന്ന റിയാതെയാണ് മിക്ക കുടുംബങ്ങളും പ്രയാസപ്പെടുന്നത്. ഇങ്ങനെയുള്ളവർക്ക് സന്നദ്ധ സംഘടനകൾ ഒരുക്കിയ ഹെൽപ്പ് ഡസ്പ്പുകൾ ഉപകാരമാകുന്നുമുണ്ട്. എന്നാൽ പലർക്കും അവിടെയും എത്താൻ സാധിക്കുന്നുമില്ല. പ്രത്യേകിച്ച് രോഗികളായ വരും,വീട്ടമ്മമാരും.
2002ലെ വോട്ടർപട്ടികയുടെ കോപ്പി ലഭ്യമല്ലാത്തതും, പഴയ വോട്ടർ പട്ടികയിലെ ക്രമനമ്പരും,ഭാഗം നമ്പരും കണ്ടെത്താനാണ് ഏറെ പ്രയാസം നേരിടുന്നത്.2025 പട്ടികയിലെ വിലാസം അനുസരിച്ചാണ് ഫോം വിതരണം ചെയ്യുന്നതെങ്കിലും 2022ലെ വിവരങ്ങളാണ് ചേർക്കേണ്ടത്.ഇത് പലരും തെറ്റായി രേഖപ്പെടുത്തേണ്ടി വരുന്നുണ്ട്.2002 വോട്ടർ പട്ടികയിൽ ഉൾപ്പെടാത്തവർ ആദ്യപട്ടികയിൽ ഉൾപ്പെട്ട മാതാപിതാക്കളുടെയോ, ബന്ധുക്കളുടെയോ വിവരങ്ങൾ നൽകണം. ഇത്തരം വിവരം നൽകാൻ സാധിക്കാത്തവർക്ക് പിന്നീട് നോട്ടീസ് നൽകി രേഖകളുമായി ഹാജരാക്കേണ്ടി വരുമെന്നാണ് അറിയുന്നത്. ഇത്തരക്കാർ വരാനിരിക്കുന്ന വോട്ടർ പട്ടികയിൽ പേര് ഉറപ്പാക്കാൻ എന്ത് ചെയ്യണമെന്ന ആശയക്കുഴപ്പത്തിലുമാണ്.ഫോമുകളിൽ പലർക്കും ബന്ധുവിന്റെ പേരിനൊപ്പം മണ്ഡലം,ഭാഗം, ക്രമനമ്പർ എന്നിവ കൃത്യമായി നൽകാൻ സാധിക്കാത്തതും ആശങ്ക ഉയർത്തുന്നുണ്ട്. വോട്ടർ പട്ടികയിൽ ബന്ധുക്കളുടെ പേരില്ലെങ്കിൽ 1987ന് മുൻപ് ജനിച്ചവരാണെ ങ്കിൽ രേഖകൾ സമർപ്പിക്കേണ്ടിവരും. 1987ന് ശേഷമാണെങ്കിൽ അവരുടെ മാതാപിതാക്കളുടെ രേഖകൾ സമർപ്പിക്കേണ്ടതായും വരും. അതുകൊണ്ടുതന്നെ എസ് ഐ ആറിൽ വോട്ടർമാരുടെ സംശയങ്ങളും, ആശങ്കകളും ഒഴിയുന്നില്ല.
പുതിയ വോട്ടർമാരെ ചേർക്കുന്നതിലും, അതിനായുള്ള ഫോം ലഭ്യമല്ലാത്തതും വോട്ടർമാരിൽ ആശങ്കയുണ്ടാക്കുന്നുണ്ട്.ഡിസംബർ 9ന് മുമ്പ് കരട് വോട്ടർ പട്ടിക പ്രസിദ്ധീകരിക്കുമെന്ന് അധികൃതർ പറയുമ്പോൾ തന്നെ ഈ കുറഞ്ഞ സമയത്തിനുള്ളിൽ ഇത് സാധ്യമാകുമോ എന്ന ആശങ്ക ബി എൽ ഒ മാർക്കും വോട്ടർമാർക്കുമുണ്ട്. കരട് വോട്ടർ പട്ടികയിൽ ഉൾപ്പെടാത്തവർ ക്കെല്ലാം ഡിസംബർ 9നും ജനുവരി 31നും ഇടയിൽ നടക്കുന്ന ഹിയറിങ്ങിൽ പങ്കെടുക്കേണ്ടിയും വരും.ഇതൊക്കെ ബി എൽ ഒമാരുടെ ജോലി കൂട്ടുകയാണെന്ന ആക്ഷേപം ഉയരുന്നുണ്ട്.
അതിനിടെ പശ്ചിമ ബംഗാൾ,തമിഴ്നാട് സർക്കാറുകൾ എസ്ഐആർ നടപ്പിലാക്കുന്നത് തടയണമെന്നാ വശ്യപ്പെട്ട് സുപ്രീംകോടതിയിൽ നൽകിയ ഹർജിയിൽ കഴിഞ്ഞദിവസം തെരഞ്ഞെടുപ്പ് കമ്മീഷന് നോട്ടീസ് അയച്ചു. എസ്ഐആറുമായി ബന്ധപ്പെട്ട് മുഴുവൻ രേഖകളും ഹാജരാക്കാനാണ് സുപ്രീംകോടതി നിർദ്ദേശിച്ചിരിക്കുന്നത്.
ഫോട്ടോ:സന്നദ്ധ സംഘടനകൾ എസ് ഐ ആർ എന്യൂമ റേഷൻ ഫോമുകൾ പൂരിപ്പിച്ച് നൽകുന്ന ഹെൽപ്പ് ഡസ്കുകൾ.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments