.*ബിസ്ക്കറ്റ് കഴിച്ച കുട്ടി കുഴഞ്ഞു വീണു മരിച്ചു; കുഞ്ഞിന്റെ കയ്യിൽ 3 പൊട്ടൽ, മാതാപിതാക്കളെ പൊലീസ് ചോദ്യം ചെയ്തു*

തിരുവനന്തപുരം  :  നെയ്യാറ്റിൻകരയിൽ ഒരു വയസ്സുകാരൻ കുഴഞ്ഞു വീണു മരിച്ച സംഭവത്തിൽ മാതാപിതാക്കളെ പൊലീസ് ചോദ്യം ചെയ്തു വിട്ടയച്ചു. കാഞ്ഞിരംകുളം തവ്വാവിള ഷിജിൽ ഭവനിൽ ഷിജിൽ–കൃഷ്ണപ്രിയ ദമ്പതികളുടെ ഏക മകൻ ഇഹാൻ (അപ്പു) ആണ് വെള്ളിയാഴ്ച രാത്രി ഒൻപത് മണിയോടെ മരിച്ചത്. അച്ഛൻ വാങ്ങിക്കൊടുത്ത ബിസ്കറ്റ് കഴിച്ചു അരമണിക്കൂർ കഴിഞ്ഞപ്പോഴാണ് കുട്ടി കുഴഞ്ഞുവീണത്. നെയ്യാറ്റിൻകര ജനറൽ ആശുപത്രിയിലെത്തിച്ചെങ്കിലും കുഞ്ഞ് മരിച്ചു. 

തുടർന്ന് സംഭവത്തിൽ ദുരൂഹതയുണ്ടെന്നു കുട്ടിയുടെ മാതാവിന്റെ വീട്ടുകാർ ആരോപിച്ചിരുന്നു. ഷിജിലും കൃഷ്ണപ്രിയയും തമ്മിൽ പ്രശ്നങ്ങളുണ്ടായിരുന്നെന്നും അടുത്ത കാലത്താണ് ഇവർ വീണ്ടും ഒരുമിച്ചു താമസം തുടങ്ങിയതെന്നും കൃഷ്ണപ്രിയയുടെ ബന്ധുക്കൾ പറഞ്ഞിരുന്നു. ഇതേതുടർന്നാണ് നെയ്യാറ്റിൻകര പൊലീസ് മാതാപിതാക്കളെ ചോദ്യം ചെയ്തത്. ചോദ്യം ചെയ്യലിൽ സംശയകരമായ വിവരങ്ങളൊന്നും ലഭിക്കാത്തതിനാലാണ് മതാപിതാക്കളെ വിട്ടയച്ചതെന്ന് നെയ്യാറ്റിൻകര പൊലീസ് പറഞ്ഞു. കുട്ടിയുടെ പോസ്റ്റ്മോർട്ടം റിപ്പോർട്ട് ലഭിച്ച ശേഷം കൂടുതൽ അന്വേഷണം നടത്തും.

കുഞ്ഞിന്റെ കയ്യിൽ മൂന്ന് പൊട്ടലുകളുണ്ടായിരുന്നു. എന്നാൽ ഇതെങ്ങനെ സംഭവിച്ചു എന്ന് അറിയില്ലെന്നും ചികിത്സ തേടിയിരുന്നെന്നും മതാപിതാക്കൾ പറഞ്ഞു. കുഞ്ഞിനെ ബനിയൻ ധരിപ്പിച്ചപ്പോൾ കൈ വേദനിക്കുന്നെന്ന് മനസ്സിലാക്കിയാണ് ചികിത്സിക്കാൻ കൊണ്ടുപോയത്. അതേസമയം കുട്ടിയ്ക്കു കൂടുതൽ പരുക്കേറ്റിരുന്നോ എന്നും പൊലീസ് അന്വേഷിക്കുന്നുണ്ട്. ഡോക്ടർമാരുടെ റിപ്പോർട്ടടക്കം ഇക്കാര്യത്തിൽ തേടും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa