ഉമ്മൻചാണ്ടി മെമ്മോറിയൽ ട്രോഫി:മൊഗ്രാലിൽ ഫുട്ബോൾ ടൂർണമെന്റിന് ഇന്ന് തുടക്കമാവും.

മൊഗ്രാൽ :.ഉമ്മൻചാണ്ടി സാംസ്കാരിക സമിതി മൊഗ്രാൽ സംഘടിപ്പിക്കുന്ന ഉമ്മൻചാണ്ടി മെമ്മോറിയൽ ട്രോഫിക്ക് വേണ്ടിയുള്ള ത്രിദിന ഫ്ലഡ് ലൈറ്റ് സെവൻസ് ഫുട്ബോൾ ടൂർണമെന്റിന് ഇന്ന് മൊഗ്രാൽ വൊക്കേഷണൽ ഹയർ സെക്കൻഡറി സ്കൂൾ മൈതാനത്ത് തുടക്കമാവും.ആറ് പതിറ്റാണ്ടുകൾക്ക് ശേഷം സന്തോഷ് ട്രോഫി ചാമ്പ്യൻഷിപ്പിലുള്ള ടീമിൽ മൊഗ്രാൽ സ്പോർട്സ് ക്ലബ് താരമായ ദിൽഷാദ്(ചിച്ചു) ഇടം തേടിയതിലുള്ള ആവേശത്തിനിടെയാണ് ഫുട്ബോൾ മാമാങ്കമെന്നത് ഫുട്ബോൾ ആരാധകരെ ആവേശത്തിലാ ക്കിയിട്ടുണ്ട്.ഉദ്ഘാടന ചടങ്ങിൽ ഉമ്മൻചാണ്ടിയുടെ പുത്രൻ ചാണ്ടി ഉമ്മനും, പ്രമുഖ കോൺഗ്രസ് നേതാക്കളും ജനപ്രതിനിധികളും, കായിക രംഗത്തെ പ്രമുഖ വ്യക്തിത്വങ്ങളും സംബന്ധിക്കുന്നുണ്ട്.8 ടീമുകൾ മാറ്റുരക്കുന്ന ടൂർണമെന്റിൽ പ്രഗൽഭരായ താരങ്ങളെ അണിനിരത്തിയാവും ഓരോ ടീമും കളത്തിലിറങ്ങുക.

 പ്രിയദർശിനി ഒഴിഞ്ഞിവളപ്പ്,മൊഗ്രാൽ ബ്രദേഴ്സ്,സിറ്റിസൺ ഉപ്പള,യങ് ചാലഞ്ചേഴ്സ് കുന്നിൽ,ഗ്രീൻ സ്റ്റാർ കടങ്കോട്,വിഗാൻസ് മൊഗ്രാൽപുത്തൂർ,ടീം യൂണിക് ജാലിസ് മേൽപ്പറമ്പ്,ഡിഡിപി ഫ്രയ്റ്റ് അസ്ട്രലേഴ്‌സ് എഫ് സി എന്നീ ടീമുകളാണ് മാറ്റുരക്കുന്നത്.

 ഇന്ന് വൈകുന്നേരം ഏഴുമണിക്ക് ഉദ്ഘാടനം മത്സരത്തിൽ പ്രിയദർശിനി ഒളിഞ്ഞിവളപ്പ്, മൊഗ്രാൽ ബ്രദേഴ്സിനെ നേരിടും.രാത്രി 8 മണിക്കുള്ള രണ്ടാം മത്സരത്തിൽ സിറ്റിസൺ ഉപ്പള,യങ് ചലഞ്ചേഴ്സ് കുന്നിലിനെ നേരിടും. ഇവരിൽനിന്ന് വിജയിക്കുന്ന ടീമുകൾ രാത്രി 9 മണിക്ക് ആദ്യ സെമി ഫൈനലിൽ ഏറ്റുമുട്ടും.

 രണ്ടാം ദിവസമായ നാളെ ഏഴുമണിക്ക് ഗ്രീൻ സ്റ്റാർ കടങ്കോട്, വിഗാൻസ് മൊഗ്രാൽ പുത്തൂരിനെ നേരിടും. എട്ടു മണിക്കുള്ള രണ്ടാം മത്സരത്തിൽ ടീം യൂണിക് ജാലിസ് മേൽപ്പറമ്പ്,ഡിഡിപി ഫ്രൈറ്റ് അസ്ട്രലേഴ്‌സ് എഫ്സിയെ നേരിടും. 24-ആം തീയതി രാത്രി എട്ടുമണിക്കാണ് ഫൈനൽ മത്സരം.

 ടൂർണമെന്റിന്റെ ഒരുക്കങ്ങളെല്ലാം പൂർത്തിയായതായി ഉമ്മൻചാണ്ടി സാംസ്കാരിക സമിതി മൊഗ്രാൽ യൂണിറ്റ് ചെയർമാൻ നാസർ മൊഗ്രാൽ,കൺവീനർ ഷക്കീൽ-അബ്ദുള്ള, ട്രഷറർ അൻവർ അഹമ്മദ് എസ് എന്നിവർ അറിയിച്ചു.

ഫോട്ടോ:ഉമ്മൻചാണ്ടി മെമ്മോറിയൽ ട്രോഫിക്ക് വേണ്ടിയുള്ള ഫുട്ബോൾ ടൂർണ്ണമെന്റ് നടക്കുന്ന മൊഗ്രാൽ സ്കൂൾ മൈതാനം.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa