വി പി അബ്ദുൽ ഖാദർ ഹാജിയുടെ സ്ഥാനാർത്ഥിത്വം:ലീഗ് സംസ്ഥാന നേതൃത്വം ലക്ഷ്യം വെക്കുന്നത് എന്ത്..?

കുമ്പള : കുമ്പള ഗ്രാമപഞ്ചായത്തിൽ പഞ്ചായത്ത് ഭരണസമിതിക്കെതിരെയും,മുസ്ലിം ലീഗ് നേതാക്കൾക്കെതിരെയും നിരന്തരമായി ഉയർന്നുവന്ന അഴിമതി ആരോപണങ്ങളും, യൂത്ത് ലീഗ് നേതാവിന്റെ തെളിവ് സഹിതമുള്ള വെളിപ്പെടുത്തലുകളും, ഇവ സമൂഹ-ദൃശ്യ മാധ്യമങ്ങൾ ഏറ്റുപിടിക്കുകയും ചെയ്ത സാഹചര്യത്തിൽ തദ്ദേശ തെരഞ്ഞെടുപ്പ് വേളയിൽ മുസ്ലിം ലീഗ് ദേശീയ സമിതി അംഗവും,ജില്ല പ്രവർത്തകസമിതി അംഗവുമായ വിപി അബ്ദുൽ ഖാദർ ഹാജിയെ കുമ്പള ഗ്രാമപഞ്ചായത്ത് തെരഞ്ഞെടുപ്പിൽ 19)- വാർഡായ ബദ്രിയ നഗറിൽ മത്സരിക്കാൻ സംസ്ഥാന മുസ്ലിം ലീഗ് നേതൃത്വം നിർദ്ദേശം നൽകിയതിന് പിന്നിലുള്ള ലക്ഷ്യം പാർട്ടിക്കുള്ളിൽ ഇപ്പോൾ വലിയ ചർച്ചയ്ക്ക് വഴിവെച്ചിരിക്കുന്നു.

 കുമ്പളയിൽ പാർട്ടിയിലും, പഞ്ചായത്ത് ഭരണസമിതിയിലും സുതാര്യത ഉറപ്പുവരുത്തുന്നതിനായി പാർട്ടി സംസ്ഥാന ഘടകത്തിന്റെ ഇടപെടലായാണ് പാർട്ടിയിൽ ഒരു ഉയർന്ന സ്ഥാനത്തിരിക്കുന്ന വി പി അബ്ദുൽഖാദർ ഹാ ജിയെ കേവലം ഒരു ഗ്രാമ പഞ്ചായത്ത് തിരഞ്ഞെടുപ്പിൽ മത്സരിക്കാൻ നിർദ്ദേശിച്ചതെന്നാണ് പാർട്ടി പ്രവർത്തകർ നൽകുന്ന സൂചന.

 അടിയുറച്ച, കളങ്കമില്ലാത്ത മുസ്ലിം ലീഗ് നേതാവ് എന്ന നിലയിൽ വി പി അബ്ദുൽ ഖാദർ ഹാജി കുമ്പളയിൽ യൂ ഡി എഫ് പ്രവർത്തകർക്കിടയിൽ സർവ്വ സമ്മതനുമാണ്. ജീവകാരുണ്യ മേഖലയിലും,മത- സാമൂഹിക സേവന രംഗത്തും വി പി അബ്ദുൽഖാദർ ഹാജിയുടെ ഇടപെടലുകൽ തിരഞ്ഞെടുപ്പിൽ അനുകൂല ഘടകവുമാണ്. അതുകൊണ്ടുതന്നെ വിപി അബ്ദുൽഖാദർ ഹാജി തെരഞ്ഞെടുക്കപ്പെട്ടാൽ വിപിക്ക് പാർട്ടി നൽകാൻ പോകുന്ന ദൗത്യം എന്തായിരിക്കുമെ ന്നതിലാണ് പാർട്ടി പ്രവർത്തകർ ഇപ്പോൾ ഏറെ ചർച്ച ചെയ്യുന്നത്.

ഫോട്ടോ:വി പി അബ്ദുൽഖാദർ ഹാജി.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa