പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച യുവാവ് അറസ്റ്റിൽ.

കോഴിക്കോട് : നിർഭയ എൻട്രി ഹോമിലെ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച യുവാവ് അറസ്റ്റിൽ. ചേളന്നൂർ സ്വദേശി സഞ്ജയ് നിവാസിൽ സഞ്ജയ് (33)ആണ് ടൗൺ പോലീസിന്റെ പിടിയിലായത്. ഇയാൾക്കെതിരെ പോക്സോ നിയമപ്രകാരമുള്ള വകുപ്പുകൾ ചുമത്തി. വെള്ളിമാട്കുന്ന് നിർഭയ എൻട്രി ഹോമിലെ 17 കാരിയായ വിദ്യാർത്ഥിനിയെ  ഇൻസ്റ്റാ ഗ്രാമിലൂടെയാണ് പരിചയപ്പെട്ടത്. തുടർന്ന് പ്രലോഭിപ്പിച്ച് കൂട്ടി കൊണ്ടു പോയി കോഴിക്കോട് അപ്‌സര തിയേറ്ററിന് സമീപത്തുള്ള ലോഡ്‌ജിലെത്തി ലൈംഗികമായി പീഡിപ്പിക്കുകയായിരുന്നു

കഴിഞ്ഞ ചൊവ്വാഴ്‌ചയാണ് നിർഭയ എൻട്രി ഹോമിൽ നിന്ന് സ്കൂ‌ളിലേക്ക് പോകുന്നതിനിടെ കുട്ടിയെ കാണാതായത്. അന്ന് രാത്രി തന്നെ ചേവായൂർ പോലീസ് ബീച്ചിൽ വച്ച് കുട്ടിയെ കണ്ടെത്തി. തുടർന്ന് ചേവായൂർ പൊലീസ് കുട്ടിയെ സി. ഡബ്ല്യു.സി മുമ്പാകെ ഹാജരാക്കി മൊഴിയെടുത്തതിൽ ലൈംഗികമായി പീഡിപ്പിക്കപ്പെട്ട വിവരം പറയുകയുമായിരുന്നു.തുടർന്ന് ചേവായൂർ പൊലീസ് കേസ് രജിസ്റ്റർ ചെയ്ത് ലൈംഗിക പീഡനത്തിന് ഇരയായതിന് ടൗൺ പോലീസ് സ്റ്റേഷൻ പരിധിയിൽ കേസ് ടൗൺ പോലീസിന് കൈമാറുകയായിരുന്നു.

ടൗൺ പോലീസ് സൈബർ സെല്ലുമായി ചേർന്ന് നടത്തിയ ശാസ്ത്രീയ അന്വേഷണത്തിൽ പ്രതിയെപ്പറ്റി മനസ്സിലാക്കുകയും ടൗൺ പോലീസ് സ്റ്റേഷൻ ഇൻസ്പെക്ടർ സജീഷിൻ്റെ നേതൃത്വത്തിലുള്ള   അന്വേഷണസംഘം കോഴിക്കോട് വെച്ച് പ്രതിയെ കസ്റ്റഡിയിലെടുക്കുകയായിരുന്നു. എസ്എം സ്ട്രീററിൽ ടാറ്റൂ ആർട്ടിസ്റ്റായി ജോലി ചെയ്യുന്ന പ്രതി മയക്കുമരുന്ന് ഉപയോഗിച്ചതിന് പോലീസ് സേഷനിൽ ഒരു കേസ് നിലവിലുണ്ട്.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa