ജനുവരി 30ന് വർഗീയതയ്ക്കെതിരെ കാഞ്ഞങ്ങാട്ട് ബഹുജന സംഗമം : സംഘാടകസമിതി രൂപീകരണയോഗം നടന്നു.

കാഞ്ഞങ്ങാട് : ജനുവരി 30 ഗാന്ധി രക്തസാക്ഷി ദിനത്തില്‍ ജനാധിപത്യ മഹിളാ അസോസിയേഷന്‍, ഡി.വൈ.എഫ്.ഐ, എസ്.എഫ്.ഐ എന്നീ സംഘടനകളുടെ നേതൃത്വത്തില്‍ 'ഗാന്ധിയെ ഓര്‍ക്കാം, കേരളത്തെ കാക്കാം' എന്ന മുദ്രാവാക്യമുയര്‍ത്തി വര്‍ഗീയതയ്ക്കെതിരെ കാഞ്ഞങ്ങാട് വൈകുന്നേരം 4 മണിക്ക് ബഹുജന സംഗമം സംഘടിപ്പിക്കും. വര്‍ഗീയ ശക്തികള്‍ കേരളത്തില്‍ സ്വാധീനം വര്‍ധിപ്പിക്കാന്‍ ബോധപൂര്‍വ്വം പരിശ്രമിക്കുന്നത് തടയാനാണ് സംഗമം. ഗാന്ധി ഘാതകരും ഗാന്ധി ശിഷ്യന്മാരും ഇടതുപക്ഷത്തെ തോല്‍പ്പിക്കാന്‍ ഒന്നിക്കുന്നതിനെതിരെ മതനിരപേക്ഷ മനസുണര്‍ത്തി വിദ്യാര്‍ത്ഥികളും യുവജനങ്ങളും സ്ത്രീകളും കൈകോര്‍ക്കും.

സംഘാടക സമിതി രൂപീകരണ യോഗം സി.പി.ഐ.എം ജില്ലാ സെക്രട്ടറി എം. രാജഗോപാലന്‍ എം. എൽ. എ ഉദ്ഘാടനം ചെയ്തു. ജനാധിപത്യ മഹിളാ അസോസിയേഷന്‍ ജില്ലാ സെക്രട്ടറി പി. ബേബി അദ്ധ്യക്ഷയായി. ടി കെ ചന്ദ്രമ്മ, ഓമന രാമചന്ദ്രന്‍, കെ പ്രണവ്, ഋഷിത സി. പവിത്രന്‍, പ്രവിഷ പ്രമോദ് എന്നിവര്‍ സംസാരിച്ചു. ഡി.വൈ.എഫ്.ഐ ജില്ലാ സെക്രട്ടറി രജീഷ് വെള്ളാട്ട് സ്വാഗതം പറഞ്ഞു. ഭാരവാഹികള്‍ - വി. വി. രമേശന്‍ (ചെയര്‍മാന്‍), രജീഷ് വെള്ളാട്ട് (കണ്‍വീനര്‍).

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa