മൊഗ്രാൽ സ്കൂൾ ഗ്രൗണ്ടിൽ സ്ഥാപിച്ച ഇരുമ്പ് വേലി തകർന്നു വീണു, ശനിയാഴ്ചയായതിനാൽ വൻ ദുരന്തം ഒഴിവായി.
കാസർഗോഡ് ജില്ലാ പഞ്ചായത്ത് കഴിഞ്ഞവർഷം പത്ത് ലക്ഷം രൂപ ചിലവിൽ സ്കൂൾ മതിൽ,കമാനം എന്നിവയുടെ നിർമ്മാണ സമയത്താണ് ബോൾ സേഫ്റ്റി നെറ്റ് സ്ഥാപിക്കാൻ ഇരുമ്പ് വേലി സ്ഥാപിച്ചത്. തൂണുകളിൽ ഇതുവരെ നെറ്റ് വല സ്ഥാപിച്ചിട്ടുണ്ടായിരുന്നില്ല.അതിനാൽ റവന്യൂ ജില്ലാ സ്കൂൾ കലോത്സവത്തിന്റെ ഭാഗമായി ഇരുമ്പ് വേലിയിൽ നിറയെ ഫ്ലക്സ് ബോർഡുകൾ സ്ഥാപിച്ചിരുന്നു.ഇതാണ് ഒന്നടങ്കം ഇന്നലെ ഒടിഞ്ഞു വീണത്. അധികഭാരമാണ് കാരണമെന്നും പറയപ്പെടുന്നുണ്ട്.
ഹൈസ്കൂൾ വിഭാഗം വിദ്യാർത്ഥികൾക്ക് ക്ലാസ് ഉണ്ടായിരുന്നുവെങ്കിലും ക്ലാസ്സ് നടന്നുകൊണ്ടിരിക്കുന്ന സമയത്താണ് തൂണുകൾ തകർന്നു വീണത്. അതുകൊണ്ട് വലിയ ഒരു ദുരന്തമാണ് ഒഴിവായത്. മറുഭാഗത്തുള്ള സ്കൂൾ റോഡിലേക്ക് വീഴാത്തത് മറ്റൊരു ദുരന്തവും ഒഴിവായി.
സ്ഥാപിച്ച ഇരുമ്പ് തൂണുകൾക്ക് ബല ക്കുറവുണ്ടെന്ന് നേരത്തെ തന്നെ പരാതി ഉയർന്നിരുന്നു. അതുകൊണ്ടുതന്നെ ഇതിന് നെറ്റ് വലയും ഇതുവരെ സ്ഥാപിച്ചിരുന്നില്ല.സ്റ്റീൽ ഫ്രെയിമിൽ ഫ്ലക്സ് ബോർഡുകൾ സ്ഥാപിച്ചതിനെതിരെ കുമ്പള ഗ്രാമപഞ്ചായത്ത് എൻജിനീയറിങ് വിഭാഗം സ്കൂൾ അധികൃതർക്ക് മുന്നറിയിപ്പും നൽകിയിരുന്നു. ബലമുള്ള തൂണുകളും,നെറ്റ് വലയും സ്ഥാപിക്കാൻ അടിയന്തിര നടപടി സ്വീകരിക്കണമെന്നാണ് നാട്ടുകാർ ആവശ്യപ്പെടുന്നത്.
ഫോട്ടോ:മൊഗ്രാൽ സ്കൂൾ ഗ്രൗണ്ടിൽ തകർന്നുവീണ ഇരുമ്പ് വേലി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments