*'അറിയാത്ത കാര്യങ്ങളില് പ്രതികരിക്കാൻ ഇല്ല'; ശശി തരൂര് വിഷയത്തില് പ്രതികരിക്കാതെ വി.ഡി സതീശൻ.*
അറിയാത്ത കാര്യങ്ങളില് പ്രതികരിക്കാൻ ഇല്ലെന്ന് വിഡി സതീശൻ പറഞ്ഞു. മുഖ്യമന്ത്രിയുടെ വിശ്വസ്തനായ വ്യവസായിയുമായി ദൂബൈയില് ചർച്ച നടന്നതായാണ് പ്രചരണം. ഇടതുപക്ഷ നിലപാട് സ്വീകരിച്ചാല് തരൂരിനെ സ്വീകരിക്കുമെന്ന എല്ഡിഎഫ് കണ്വീനർ ടിപി രാമകൃഷ്ണന്റെ പ്രതികരണം പ്രചരണത്തിന് ശക്തി പകർന്നിട്ടുണ്ട്.
കോണ്ഗ്രസുമായി ഇടഞ്ഞുനില്ക്കുന്ന ഡോ.ശശി തരൂർ,പുതിയ രാഷ്ട്രീയ സാധ്യത തേടുന്നതിൻെറ ഭാഗമായാണ് ഇടതുമുന്നണിയുമായി ചർച്ച നടത്തുന്നത്. നേതാക്കളുമായി നേരിട്ട് ചർച്ച നടന്നതായി ഇതുവരെ സൂചനയില്ല.എന്നാല് എമിറേറ്റ്സ് ലിറ്ററേച്ചർ ഫെസ്റ്റിവലില് പങ്കെടുക്കുന്നതിനായി ദൂബൈയിലുളള തരൂർ അവിടെ വെച്ച് മുഖ്യമന്ത്രിയോട് അടുപ്പമുളള വ്യവസായിയുമായ ചർച്ച നടത്തിയെന്നാണ് പ്രചരണം. തരൂർ ഇടതുമുന്നണിയേലേക്കെന്ന പ്രചരണത്തിന് ശക്തിപകരുന്ന പ്രതികരണമാണ് മുന്നണി നേതൃത്വത്തില് നിന്ന് ഉണ്ടായത്.
ഈമാസം 19ന് കൊച്ചിയില് നടന്ന മഹാ പഞ്ചായത്ത് പരിപാടിയില് നേരിട്ട അവഗണനയാണ് ശശി തരൂരും കോണ്ഗ്രസ് നേതൃത്വവുമായുളള ബന്ധം വീണ്ടും വഷളാക്കിയത്. പ്രതിഷേധ സൂചകമായി, ചൊവ്വാഴ്ച നടക്കുന്ന കോണ്ഗ്രസ് ഇലക്ഷൻ കമ്മിറ്റിയില് നിന്ന് വിട്ടുനില്ക്കാനും തരൂർ തീരുമാനിച്ചിരുന്നു. അനുനയത്തിന്റെ ഭാഗമായി രാഹുല് ഗാന്ധി തന്നെ തരൂരുമായി സംസാരിക്കാനിരിക്കുമ്പോഴാണ് ഇടതു മുന്നണിയുമായി അടുക്കുന്നു എന്ന പ്രചരണവും വന്നത്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments