കാഞ്ഞങ്ങാട് : കേരള പൂരക്കളി കലാ അസോസിയേഷൻ സംസ്ഥാന കമ്മിറ്റിയുടെ ആഹ്വാനം അനുസരിച്ച് എല്ലാ മേഖലകളിലും നടത്തിവരുന്ന വിവിധ പരിപാടികളുടെ ഭാഗമായി കാഞ്ഞങ്ങാട് മേഖലാ കമ്മിറ്റിയുടെ നേതൃത്വത്തിൽ കിഴക്കുംകരയിൽ സംഘടിപ്പിക്കുന്ന പൂരക്കളി- മറുത്തു കളി മഹോത്സവത്തിന്റെ നടത്തിപ്പിനായി സംഘാടക സമിതി രൂപീകരണ യോഗം കിഴക്കും കര പുള്ളിക്കരിങ്കാളി അമ്മ ദേവസ്ഥാന ഓഡിറ്റോറിയത്തിൽ വച്ച് നടന്നു. അജാനൂർ ഗ്രാമ പഞ്ചായത്ത് പ്രസിഡണ്ട് വി. വി. തുളസി സംഘാടകസമിതി രൂപീകരണ യോഗം ഉദ്ഘാടനം ചെയ്തു. പൂരക്കളി കലാ അസോസിയേഷൻ കാഞ്ഞങ്ങാട് മേഖലാ പ്രസിഡണ്ട് പി.കൊട്ടൻകുഞ്ഞി അടോട്ട് അധ്യക്ഷത വഹിച്ചു. സംസ്ഥാന ട്രഷറർ പി. ദാമോദരപ്പണിക്കർ കാഞ്ഞങ്ങാട് ആമുഖ പ്രഭാഷണം നടത്തി. സംസ്ഥാന ജനറൽ സെക്രട്ടറി മടിക്കൈ ഗോപാലകൃഷ്ണ പണിക്കർ, കെ. വിശ്വനാഥൻ, എം. സതീശൻ, എം. രാമകൃഷ്ണൻ, ബൈജു അതിയാമ്പൂര് എന്നിവർ സംസാരിച്ചു. പൂരക്കളി കലാ അസോസിയേഷൻ കാഞ്ഞങ്ങാട് മേഖലാ ജനറൽ സെക്രട്ടറി വസന്തകുമാർ കാട്ടുകുളങ്ങര സ്വാഗതവും വി. നാരായണൻ നന്ദിയും പറഞ്ഞു. ഫെബ്രുവരി 14ന് ശനിയാഴ്ച കിഴക്കുംകര പുള്ളിക്കരിങ്കാളി അമ്മ ദേവസ്ഥാന ത്ത് സംഘടിപ്പിക്കുന്ന പൂരക്കളി മറുത്തുകളി മഹോത്സവത്തിന്റെ സംഘാടക സമിതി ചെയർമാനായി കെ. വിശ്വനാഥനെയും കൺവീനറായി വസന്തകുമാർ കാട്ടുകുളങ്ങര യെയും ഖജാൻജിയായി പി. ദാമോദരപ്പണിക്കർ കാഞ്ഞങ്ങാടിനെയും തെരഞ്ഞെടുത്തു. പൂരക്കളി- മറത്തുകളി മഹോത്സവത്തിന്റെ ഭാഗമായി പൂരക്കളി പ്രദർശനം, മറുത്തുകളി, പൂരക്കളി കലാകാരന്മാരെ ആദരിക്കൽ, സംസ്ഥാന സ്കൂൾ കലോത്സവത്തിൽ പൂരക്കളിയിൽ മികവുപുലർത്തിയ ടീമിനെ അനുമോദിക്കൽ, തിരുവാതിര, കോൽക്കളി, കൈകൊട്ടിക്കളി എന്നിവയുടെ പ്രദർശനവും ഒരുക്കും. 2026 ഫെബ്രുവരി 14 ശനിയാഴ്ച ഉച്ചയ്ക്ക് ശേഷം പരിപാടികൾ നടക്കും..
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments