പോലീസ് ജീപ്പിന് കൈനീട്ടി കുട്ടികൾ; ആദ്യം ആശങ്ക, പിന്നാലെ കൗതുകം, വിവാഹമോതിരം വീട്ടമ്മയ്ക്ക് തിരിച്ചുകിട്ടി.

കാസർഗോഡ് : വെള്ളരിക്കുണ്ട് പോലീസ് ജീപ്പിന് കൈനീട്ടുന്ന കൊച്ചുകുട്ടികളെ കണ്ട് ആശങ്കപ്പെട്ട് പോലീസ്. കാര്യമറിഞ്ഞപ്പോൾ കൗതുകം. പോലീസിന്റെ വക കുട്ടികൾക്ക് അഭിനന്ദനം. വെള്ളരിക്കുണ്ട് ടൗണിൽ കഴിഞ്ഞദിവസം വൈകുന്നേരം നാലരയോടെയാണ് സംഭംവം. സ്കൂൾ വിട്ട് കൂട്ടുകാരോടൊപ്പം വെളളരിക്കുണ്ട് പാലത്തിനരികിലൂടെ നടന്നുവരികയായിരുന്നു പ്രൈമറി സ്കൂൾ വിദ്യാർഥികളായ ആൽബിനും ഐവിനും ആൽവിനും ഐറിനും.

കൂട്ടത്തിലൊരാൾ റോഡുവക്കിലെ സ്വർണത്തിളക്കം കണ്ടു. എടുത്ത് നോക്കിയപ്പോൾ മോതിരം. പേരെഴുതിയ മോതിരമായതിനാൽ സ്വർണമാണെന്ന് ഉറപ്പിച്ചു. എന്തുചെയ്യണമെന്ന് ആലോചിച്ചിരിക്കെ പോലീസ് വാഹനം മുന്നിൽ. ധൈര്യപൂർവം നാലുപേരും ചേർന്ന് കൈനീട്ടി. വാഹനം നിർത്തി ഇൻസ്പെക്ടർ കെ.പി. സതീഷിന്റെ നേതൃത്വത്തിലുള്ള പോലീസ് സംഘം കാര്യമന്വേഷിച്ചു. കുട്ടികൾ കാര്യം പറഞ്ഞു. അരപ്പവൻ മോതിരത്തിന്റെ ഉടമയെത്തേടി പോലീസ്. വിവാഹമോതിരം നഷ്ടപ്പെട്ട് വിഷമത്തിലായിരുന്ന പാത്തിക്കരയിലെ പ്രിൻസി സുനിൽ വിവരമറിഞ്ഞ് സ്റ്റേഷനിലെത്തി മോതിരം തിരിച്ചറിഞ്ഞു. പോലീസിൽനിന്ന്‌ മോതിരം കൈപ്പറ്റി സന്തോഷത്തോടെ മടങ്ങി. യാത്രയ്ക്കിടയിൽ പഴ്‌സിൽനിന്ന്‌ മോതിരം വീണതാണെന്നു കരുതുന്നതായി പോലീസ് പറഞ്ഞു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa