കൂത്തുപറമ്പ് : കൂത്തുപറമ്പിനടുത്ത കരേറ്റ പതിമൂന്നാം മൈൽ ചോതാരത്ത് ആർഎസ്എസ് കേന്ദ്രത്തിൽനിന്ന് ഉഗ്ര ശേഷിയുള്ള ബോംബുകളും നിർമാണ സാമഗ്രികളും പിടികൂടി. ആളൊഴിഞ്ഞ പറമ്പിൽ കുറ്റിക്കാട്ടിൽ മൺപൊത്തിനുള്ളിൽ സൂക്ഷിച്ച നിലയിലായിരുന്നു ഇവ. കൂത്തുപറമ്പ് പൊലീസും ബോംബ്, - ഡോഗ് സ്ക്വാഡുകൾ സംയുക്തമായി നടത്തിയ പരിശോധനയിലാണ് ഇവ കണ്ടെത്തിയത്. ഒന്പത് ഉഗ്രശേഷിയുള്ള ബോംബുകൾ, 12 കിലോ വെടിമരുന്ന്, 5 കിലോ സൾഫർ, സ്റ്റീൽ - ഐസ്ക്രീം കണ്ടെയ്നറുകൾ എന്നിവയാണ് പിടികൂടിയത്. ബക്കറ്റിലും കന്നാസിലും പ്ലാസ്റ്റിക് കവറുകളിലുമായി സൂക്ഷിച്ച നിലയിലായിരുന്നു ഇവ. കൂത്തുപറമ്പ് സിഐ പി സി സഞ്ജയ്കുമാറിന്റെയും ബോംബ് സ്ക്വാഡിന്റെയും നേതൃത്വത്തിൽ നടത്തിയ പരിശോധനയിലാണ് ഇവ കണ്ടെടുത്തത്. ഡോഗ് സ്ക്വാഡിലെ ലക്സി എന്ന നായയും തെരച്ചിലിനെത്തി. കണ്ടെടുത്ത സ്ഫോടക വസ്തുക്കൾ കൂത്തുപറമ്പ് സ്റ്റേഷനിലേക്ക് മാറ്റി. സമാധാനം നിൽക്കുന്ന കരേറ്റ പ്രദേശത്ത് ബോധപൂർവം കുഴപ്പമുണ്ടാക്കുന്നതിനായി ആർഎസ്എസിന്റെ ശ്രമത്തിന്റെ ഭാഗമായിട്ടാണ് ബോംബ് നിർമ്മാണ സാമഗ്രികൾ ശേഖരിച്ചുവച്ചിരിക്കുന്നത്. ഇതിനെതിരെ നടപടിയെടുക്കണമെന്ന് സിപിഐ എം മെരുവമ്പായി ലോക്കൽ കമ്മിറ്റി ആവശ്യപ്പെട്ടു
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments