*പി.കെ കുഞ്ഞാലിക്കുട്ടിക്കും എം.കെ മുനീറിനും മാത്രം ഇളവ്; മൂന്ന് ടേം വ്യവസ്ഥ കർശനമാക്കണമെന്ന് യൂത്ത് ലീഗ്*

നിയമസഭ തിരഞ്ഞെടുപ്പിൽ മൂന്ന് ടേം വ്യവസ്ഥ കർശനമാക്കണമെന്ന് യൂത്ത് ലീഗ്. പി കെ കുഞ്ഞാലിക്കുട്ടി, എം കെ മുനീർ എന്നിവർക്ക് മാത്രം ഇളവ് നൽകിയാൽ മതിയെന്നും തീരുമാനം. ആറ് സീറ്റുകൾ ആവശ്യപ്പെടാനും സംസ്ഥാന പ്രവർത്തകസമിതി യോഗത്തിൽ തീരുമാനമായി.

പി കെ ഫിറോസ് , പി ഇസ്മായിൽ, മുജീബ് കാടേരി എന്നിവർക്ക് ജയ സാധ്യതയുള്ള സീറ്റ് നൽകണം.യുവാക്കൾക്ക് കൂടുതൽ അവസരം നൽകിയതിന്റെ അംഗീകാരമാണ് തദ്ദേശ തെരഞ്ഞെടുപ്പ് വിജയം. ആനുപാതികമായി നിയമസഭയിലും പ്രാതിനിധ്യം ഉണ്ടാകണമെന്നും യോഗത്തിൽ അഭിപ്രായമുയർന്നു.

എംഎൽഎമാരുടെ പെർഫോമൻസ് ഓഡിറ്റ് ചെയ്യണമെന്നും ആവശ്യമുണ്ട്. കൽപ്പറ്റ,പട്ടാമ്പി എന്നീ സീറ്റുകൾ കോൺഗ്രസിനോട്‌ ആവശ്യപ്പെടാനും യോഗത്തിൽ തീരുമാനമായി. ലീഗ് 30 സീറ്റുകളിൽ മത്സരിക്കണമെന്നും മുനവ്വറലി തങ്ങളുടെ അധ്യക്ഷതയിൽ ചേർന്ന യോഗത്തിൽ ആവശ്യമുയർന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa