*പന്ത്രണ്ടു വയസ്സുകാരനെ മദ്യം നൽകി പീഡിപ്പിച്ചു; സ്‌കൂൾ അധികൃതർ പരാതി നൽകാൻ വൈകിയെന്ന് ആരോപണം, അധ്യാപകൻ അറസ്റ്റിൽ*

പാലക്കാട് : സ്‌കൂൾ വിദ്യാർഥിയായ പന്ത്രണ്ട് വയസ്സുകാരനെ വീട്ടിലേക്ക് കൂട്ടിക്കൊണ്ടുപോയി മദ്യംനൽകി പീഡിപ്പിച്ചെന്ന കേസിൽ അധ്യാപകൻ അറസ്റ്റിൽ. മലമ്പുഴയിലെ സ്കൂൾ അധ്യാപകനായ അനിലാണ് അറസ്റ്റിലായത്. കഴിഞ്ഞ നവംബർ 29നായിരുന്നു സംഭവം. പീഡനത്തിനിരയായ വിദ്യാർഥി സുഹൃത്തായ ഒരു കുട്ടിയോടാണ് പീഡനവിവരം വെളിപ്പെടുത്തിയത്. ഈ സുഹൃത്ത് തന്റെ അമ്മയോട് ഇക്കാര്യം പറഞ്ഞു. തുടർന്ന് കൂട്ടുകാരന്റെ അമ്മ വഴിയാണ് പീഡനവിവരം പുറത്തറിഞ്ഞത്.

വിവരം ലഭിച്ചിട്ടും സ്‌കൂൾ അധികൃതർ പൊലീസിൽ പരാതി നൽകാതെ വൈകിപ്പിച്ചുവെന്നും ആരോപണമുണ്ട്. സ്‌പെഷൽബ്രാഞ്ച് അന്വേഷണത്തിൽ സംഭവത്തിൽ വാസ്തവമുണ്ടെന്നു കണ്ടെത്തിയതിനു പിന്നാലെയാണ് സ്‌കൂൾ അധികൃതർ കഴിഞ്ഞദിവസം പോലീസിൽ പരാതിനൽകിയത്. തുടർന്ന് മലമ്പുഴ പൊലീസ് പ്രതിയെ പിടികൂടുകയായിരുന്നു. അതേസമയം, പരാതി നൽകാൻ വൈകിയിട്ടില്ലെന്നും കഴിഞ്ഞ ദിവസമാണ് കുട്ടിയുടെ ബന്ധുക്കൾ സ്‌കൂളിൽ പരാതി നൽകിയതെന്നുമാണ് സ്‌കൂൾ അധികൃതരുടെ വിശദീകരണം. അധ്യാപകനെ സ്‌കൂളിൽനിന്ന് പുറത്താക്കിയെന്നും അധികൃതർ അറിയിച്ചു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa