*കാസർഗോഡ് 'ഓപ്പറേഷൻ തൂഫാൻ' ശക്തം: മൂന്നിടങ്ങളിൽ നിന്നായി 44 ഗ്രാമിലധികം MDMA-യുമായി മൂന്ന് പേർ പിടിയിൽ.*

കാസർഗോഡ് : ജില്ലയിൽ ലഹരി മാഫിയക്കെതിരെ പോലീസ് നടത്തുന്ന *'ഓപ്പറേഷൻ തൂഫാൻ'* ശക്തമായി തുടരുന്നു. ഇതിന്റെ ഭാഗമായി ബദിയടുക്ക, കുമ്പള, ബേക്കൽ പോലീസ് സ്റ്റേഷൻ പരിധികളിൽ നിന്നായി വൻ മയക്കുമരുന്ന് ശേഖരവുമായി മൂന്ന് പേരെ പോലീസ് അറസ്റ്റ് ചെയ്തു. ഒരേ ദിവസം നടത്തിയ മൂന്ന് വെവ്വേറെ റെയ്ഡുകളിലായി ആകെ 44.06 ഗ്രാം MDMA-യും ലഹരി വിൽപ്പന പണവും വാഹനങ്ങളും ഡിജിറ്റൽ ത്രാസുകളും പോലീസ് പിടിച്ചെടുത്തു.

1. ബദിയടുക്കയിൽ ഹനീഫ പിടിയിൽ (28.99 ഗ്രാം MDMA)

ഇന്ന് (07.06.2026) പുലർച്ചെ ബദിയടുക്ക സബ് ഇൻസ്പെക്ടർ രൂപേഷ്.ടി-ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ആദ്യ റെയ്ഡ് നടന്നത്. ബദിയടുക്ക മുള്ളേരിയ റോഡിലെ 'എമിറേറ്റ്സ് കാർ വാഷ്' സ്ഥാപനത്തിന് സമീപം ബൈക്കിൽ നിൽക്കുകയായിരുന്ന പുത്തിഗെ എടനാട് സ്വദേശിയായ മുഹമ്മദ് ഹനീഫ .എ @ കാക്ക ഹനീഫ (37) എന്നയാളെ പോലീസും സ്ക്വാഡ് അംഗങ്ങളും ചേർന്ന് തടഞ്ഞു നിർത്തി.

ആദൂർ ഇൻസ്പെക്ടർ ബിജു R.C എന്ന ഗസറ്റഡ് ഓഫീസറുടെയും സ്വതന്ത്ര സാക്ഷികളുടെയും സാന്നിധ്യത്തിൽ നടത്തിയ ദേഹപരിശോധനയിൽ പ്രതിയുടെ പോക്കറ്റിൽ നിന്നും 28.99 ഗ്രാം മാരക മയക്കുമരുന്നായ MDMA കണ്ടെടുത്തു. ലഹരി വിൽപ്പനയിലൂടെ ലഭിച്ച 29,500/- രൂപയും, കടത്താൻ ഉപയോഗിച്ച KL 14 Y 7724 നമ്പർ മോട്ടോർ സൈക്കിളും, മൊബൈൽ ഫോണും പോലീസ് കസ്റ്റഡിയിലെടുത്തു. പ്രതിക്കെതിരെ ബദിയടുക്ക പോലീസ് കേസ് രജിസ്റ്റർ ചെയ്തു. ഇയാൾക്കെതിരെ ബദിയടുക്ക, ബേക്കൽ പോലീസ് സ്റ്റേഷനുകളിലായി സമാനമായ മറ്റ് കേസുകളും നിലവിലുണ്ട്.

2. കുമ്പളയിൽ ഷബീർ അലി പിടിയിൽ (11.97 ഗ്രാം MDMA)

ഇതേ ദിവസം പുലർച്ചെ 03:35 മണിക്ക് കുമ്പള പോലീസ് സബ് ഇൻസ്‌പെക്ടർ അനന്ത കൃഷ്ണൻ R മേനോന്റെ നേതൃത്വത്തിലാണ് രണ്ടാമത്തെ പരിശോധന നടന്നത്. എടനാട് ഗ്രാമത്തിലെ സീതാംഗോളി - ഉളിയത്തടുക്ക റോഡിലുള്ള 'കണ്ണൂർ സ്ക്വയർ' കെട്ടിടത്തിന്റെ രണ്ടാം നിലയിലെ മുറിയിൽ നടത്തിയ റെയ്ഡിൽ, കാസർഗോഡ് അങ്കാടിമുഗർ വില്ലേജിൽ മുഗു റോഡ് ഉറുമിയിലെ റഫീഖ് മൻസിലിൽ താമസിക്കുന്ന ഷബീർ അലി (45), S/o അബ്ദുള്ള എന്നയാൾ പിടിയിലായി. ഇയാൾ നിയമവിരുദ്ധമായി വില്പനയ്ക്കായി സൂക്ഷിച്ച 11.97 ഗ്രാം MDMA കുമ്പള പോലീസ് സംഘം കണ്ടെത്തുകയും തൊണ്ടിമുതലുകൾ ബന്തവസ്സിലെടുത്ത് പ്രതിക്കെതിരെ കുമ്പള പോലീസ്  കേസ് രജിസ്റ്റർ  ചെയ്തു.

3. ബേക്കലിൽ ഷാഹുൽ ഹമീദ് പിടിയിൽ (3.1 ഗ്രാം MDMA)

ഞായറാഴ്ച രാവിലെയാണ് മൂന്നാമത്തെ അറസ്റ്റ് രേഖപ്പെടുത്തിയത്. പള്ളിക്കര കല്ലിങ്കൽ സ്വദേശിയും ഇപ്പോൾ പനയാൽ മൗവ്വലിലെ ഇസ്മായിൽ ഹാജി ക്വാർട്ടേഴ്സിൽ താമസക്കാരനുമായ ഷാഹുൽ ഹമീദ് കെ (31) ആണ് ബേക്കൽ പോലീസിന്റെ പിടിയിലായത്. ക്വാർട്ടേഴ്സ് കേന്ദ്രീകരിച്ച് ലഹരിമരുന്ന് കച്ചവടം നടത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ ബേക്കൽ സബ് ഇൻസ്പെക്ടർ അഖിൽ സെബാസ്റ്റ്യനും സംഘവും രാവിലെ 9:05 ഓടെയാണ് ഇവിടെ പരിശോധന നടത്തിയത്. കിടപ്പുമുറിയിലെ അലമാരയിൽ വസ്ത്രങ്ങൾക്കിടയിൽ ഒളിപ്പിച്ച നിലയിൽ ഒരു സിഗരറ്റ് പാക്കറ്റ് കണ്ടെത്തി. ഇത് തുറന്ന് പരിശോധിച്ചപ്പോഴാണ് പ്ലാസ്റ്റിക് കവറിലാക്കിയ നിലയിൽ 3.1 ഗ്രാം എം.ഡി.എം.എയും ഒരു പൊട്ടിയ ഗ്ലാസ് ട്യൂബും കണ്ടെടുത്തത്. കൂടാതെ, മയക്കുമരുന്ന് തൂക്കി വിൽക്കാൻ ഉപയോഗിക്കുന്ന ചെറിയ ഡിജിറ്റൽ ത്രാസും പാക്ക് ചെയ്യാനുള്ള 50 ഓളം ചെറിയ പ്ലാസ്റ്റിക് കവറുകളും ഇവിടെ നിന്നും പോലീസ് പിടിച്ചെടുത്തു. പ്രതിക്കെതിരെ ബേക്കൽ പോലീസ്  കേസ് രജിസ്റ്റർ ചെയ്തു. 

*അന്വേഷണം ശക്തമാക്കി പോലീസ്*

ബദിയടുക്കയിലും കുമ്പളയിലുമായി പിടിച്ചെടുത്ത മയക്കുമരുന്നിന്റെ അളവ് നിയമപ്രകാരം വലിയ ശിക്ഷ ലഭിക്കാവുന്ന വാണിജ്യ പരിധിയിൽ (Commercial Quantity) പെടുന്നതാണ്. അറസ്റ്റിലായ പ്രതികൾക്ക് ലഹരിമരുന്ന് എത്തിച്ചു നൽകുന്ന അന്തർസംസ്ഥാന ലഹരി ശൃംഖലയെക്കുറിച്ചും, ഇതിന്റെ പ്രധാന ഉറവിടങ്ങളെക്കുറിച്ചും പോലീസ് വിശദമായ അന്വേഷണം ആരംഭിച്ചിട്ടുണ്ട്. ലഹരി വിരുദ്ധ സ്ക്വാഡ് അംഗങ്ങളായ എസ്.സി.പി.ഒ ഷൈജു, സി.പി.ഒ-മാരായ നിജിൻ കുമാർ, രജീഷ് കാട്ടാമ്പള്ളി, അനീഷ്, ഭക്തശൈവൽ, ആരിഫ്, ഉണ്ണികൃഷ്ണൻ എന്നിവരും വിവിധ പരിശോധനകളിൽ പോലീസ് സംഘത്തോടൊപ്പം പങ്കെടുത്തു.

ഓപ്പറേഷൻ തൂഫാന്റെ ഭാഗമായി ഇതുവരെ 44 കേസുകൾ ജില്ലയിൽ രജിസ്റ്റർ ചെയ്യുകയും 49 പേർ അറസ്റ്റിലാകുകയും ചെയ്തിട്ടുണ്ട്.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa