*വൈദ്യുതി തടസ്സം ഉണ്ടായാല്‍ രാത്രിയിലടക്കം സേവനമുറപ്പാക്കാന്‍ കെഎസ്ഇബി*
സെക്ഷന്‍ ഓഫീസുകളില്‍ മാത്രമാണ് എസ്ആര്‍ടി ഉള്ളത്.
പുതിയ സംവിധാനത്തിനായി ഫീല്‍ഡിലുള്ള 11,841 ജീവനക്കാരുടെ ജോലിസമയത്തില്‍ ക്രമീകരണം വരുത്തും. 741 അസി. എന്‍ജിനിയര്‍മാര്‍, 1,482 സബ് എന്‍ജിനിയര്‍മാര്‍, 3,278 ഓവര്‍സിയര്‍മാര്‍, 6,350 ലൈന്‍മാന്‍മാര്‍
എന്നിവരുടെ സേവനമാണ് പുനഃക്രമീകരിക്കുക.
രാവിലെ ഏഴുമുതല്‍ ഉച്ചതിരിഞ്ഞ് രണ്ടുവരെയും രണ്ടുമുതല്‍ രാത്രി ഒന്‍പതുവരെയും ഒന്‍പതുമുതല്‍ പുലര്‍ച്ചെ ഏഴുവരെയുമായിരിക്കും ജോലിസമയം. ഓരോ ഷിഫ്റ്റിലും രണ്ട് ലൈന്‍മാന്‍മാരെയും ഒരു ഓവര്‍സിയറെയും സ്ഥിരമായി ഉള്‍പ്പെടുത്തും.പ്രകൃതിക്ഷോഭംപോലുള്ള അടിയന്തര അവസരങ്ങളില്‍ ആവശ്യമായിവന്നാല്‍ ഓഫ് ഡ്യൂട്ടിയുള്ളവരുടെയും മറ്റ് ഷിഫ്റ്റുകളിലുള്ളവരുടെയും സേവനവും ഉപയോഗിക്കും. റവന്യൂവിഭാഗത്തെ ഫീല്‍ഡ് ജോലികളില്‍നിന്ന് ഒഴിവാക്കും. അടിയന്തരഘട്ടങ്ങളില്‍ മാത്രം റവന്യൂ സബ് എന്‍ജിനിയര്‍, ഓവര്‍സിയര്‍ എന്നിവരുടെ സേവനം ഉപയോഗപ്പെടുത്താം.
മുഴുവന്‍സമയ ഫീല്‍ഡ് ജോലിക്കാവശ്യമായ വാഹനങ്ങളും ഡ്രൈവര്‍മാരെയും സജ്ജീകരിക്കും. വൈദ്യുതി തടസ്സ സന്ദേശങ്ങള്‍ ടീമിന്റെ ചുമതലയുള്ള ഓവര്‍സിയര്‍ക്ക് മൊബൈല്‍ ആപ്ലിക്കേഷന്‍ വഴിയോ വാട്സാപ്പ് വഴിയോ കൈമാറും. ഫോണ്‍സംവിധാനവും ഒരുക്കും. ഹൈടെന്‍ഷന്‍ ലൈനുകളിലെ അറ്റകുറ്റപ്പണികള്‍ക്ക് സബ് എന്‍ജിനിയറാവും മേല്‍നോട്ടം വഹിക്കുക. കണക്ഷനുകളുെട അടിസ്ഥാനത്തില്‍ സെക്ഷന്‍ ഓഫീസുകളെ മൂന്ന് വിഭാഗങ്ങളായി തിരിച്ചാവും ജീവനക്കാരെ വിന്യസിക്കുക യെന്നും അധികൃതര്‍ പറഞ്ഞു.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments