കരിമ്പുജ്യൂസ് യന്ത്രത്തിൽ കൈ കുടുങ്ങി.

കല്ലടിക്കോട് : കരിമ്പ് ജ്യൂസ്‌ കട നടത്തുന്ന ആളുടെ കൈ കരിമ്പുജ്യൂസ് യന്ത്രത്തിൽ കുടുങ്ങി പരിക്കേറ്റു. കല്ലടിക്കോട് മേലേപ്പയ്യാനി കുന്നത്തുകാട് വീട്ടിൽ സഹദേവന്റെ (57) ഇടതുകൈയിലെ നാലുവിരലും പത്തിയുമാണ് മെഷീനിൽ കുടുങ്ങിയത്.

ശനിയാഴ്ച വൈകീട്ട് അഞ്ചുമണിയോടെയാണ് സംഭവം. ഡീസൽ മോട്ടോറുപയോഗിച്ച് പ്രവർത്തിക്കുന്ന മെഷീൻ കഴുകുകയായിരുന്നു സഹദേവൻ. പെട്ടെന്ന് കൈ മെഷീനിൽ അകപ്പെടുകയുമായിരുന്നു. ബഹളംവെച്ചതോടെ സമീപത്തുണ്ടായിരുന്ന ആളുകൾ ഓടിയെത്തി മെഷീൻ ഓഫ് ചെയ്ത് കൂടുതൽ തിരിയാതിരിക്കാൻ ചക്രം പിടിച്ചു നിർത്തുകയും ചെയ്തു. നാട്ടുകാർ കട്ടറുപയോഗിച്ച് യന്ത്രത്തിന്റെ വശങ്ങളും മേൽഭാഗവും മുറിച്ചെടുത്തെങ്കിലും ഇരു റോളറുകൾക്കകത്ത് അകപ്പെട്ട കൈപ്പത്തി പുറത്തെടുക്കാനായില്ല. ഇതിനിടയിൽ സമീപത്തെ സ്വകാര്യ ആശുപത്രിയിൽനിന്നും ഡോക്ടറെത്തി പ്രാഥമിക ശുശ്രൂഷയും നൽകി. 

 

കോങ്ങാട് അഗ്‌നി രക്ഷാസേനയെത്തി ഒരു മണിക്കൂറോളം നടന്ന കഠിന പരിശ്രമത്തിനു ശേഷം 6.15 ഓടെയാണ് കൈ പുറത്തെടുക്കാനായത്.  

യന്ത്രം ഒരുവശം മുറിച്ചുമാറ്റിയാണ് കൈ പുറത്തെടുത്തത്. ഇദ്ദേഹത്തെ ഉടൻ പാലക്കാട് ജില്ലാ ആശുപത്രിയിലും തുടർന്ന്, പാലക്കാട് സ്വകാര്യ ആശുപത്രിയിലും പ്രവേശിപ്പിച്ചു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa