ലഗേജ് കവർച്ച; ബാഗിന്റെ തൂക്കത്തിൽ കുറവ് സ്ഥിരീകരിച്ചു, ദുബായിലെ കണക്കല്ല കരിപ്പൂരിൽ: സിസിടിവി ദൃശ്യങ്ങൾ അപൂർണം..!

കോസിക്കോ : ദുബായിൽ നിന്ന് കരിപ്പൂർ വിമാനത്താവളത്തിലെത്തിയ രണ്ട് യാത്രക്കാരുടെ ലഗേജ് പൊട്ടിച്ച് സാധനങ്ങളും പണവും കവർന്ന പരാതിയെത്തുടർന്ന് യാത്രക്കാരുടെ സാന്നിധ്യത്തിൽ പോലീസ് സിസിടിവി ദൃശ്യങ്ങൾ പരിശോധിച്ചു. പാലക്കാട് തൃത്താല സ്വദേശികളായ പടിഞ്ഞാറങ്ങാടി ഇബ്രാഹിം ബാദുഷ, ബന്ധു മുഹമ്മദ് ബാസിൽ എന്നിവരാണ് ലഗേജ് മോഷണം സംബന്ധിച്ച് പരാതി നൽകിയത്.

ലഗേജുകൾ കൺവെയർ ബെൽറ്റിൽ ലഭിക്കുമ്പോൾ ഇരുവരുടെയും പെട്ടികളുടെ പൂട്ട് തകർത്ത നിലയിലായിരുന്നു. ഇബ്രാഹിം ബാദുഷയുടെ ബാഗിൽനിന്ന് 26,500 രൂപ നഷ്ടപ്പെട്ടതായി പരാതിയിൽ.

ഏകദേശം 23,000 രൂപ വിലവരുന്ന എയർപോഡ്, മിഠായികൾ തുടങ്ങിയവ നഷ്ടപ്പെട്ടതായാണ് മുഹമ്മദ് ബാസിലിന്റെ പരാതി.

​

വിമാനം നിർത്തിയ സ്ഥലം മുതൽ വിമാനത്താവളത്തിനുള്ളിൽ ലഗേജ് എത്തുന്നതുവരെയുള്ള സിസിടിവി ദൃശ്യങ്ങൾ ലഭ്യമായില്ലെന്ന് യാത്രക്കാർ. ഈ ഭാഗത്തെ ദൃശ്യങ്ങൾ കാണുന്നതിനുള്ള സംവിധാനമില്ലെന്നും ഇവർ.

*വിമാനത്താവളത്തിനുള്ളിൽ എത്തിയ ശേഷമുള്ള ദൃശ്യങ്ങൾ ഉണ്ടെങ്കിലും മോഷണം നടക്കുന്നതായി കണ്ടെത്താനായിട്ടില്ല. ​ദുബായിൽനിന്ന് നടത്തിയ ലഗേജിന്റെ ഭാര പരിശോധനാ കണക്കും കരിപ്പൂരിലെത്തിയപ്പോൾ ലഭിച്ച കണക്കും പരിശോധിച്ചപ്പോൾ തൂക്കം കുറവുണ്ടെന്ന് യാത്രക്കാർ സ്ഥിരീകരിച്ചു. എന്നാൽ മോഷണം എവിടെ നടന്നുവെന്ന് കണ്ടെത്താനായിട്ടില്ല.

വിമാനത്തിനുള്ളിലെ സിസിടിവി ദൃശ്യങ്ങൾ വിമാനക്കമ്പനിയോട് ആവശ്യപ്പെട്ടിട്ടുണ്ടെന്നും നിയമനടപടിയുമായി മുന്നോട്ടുപോകുമെന്നും അദ്ദേഹം.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa