ലേബർ കോഡുകൾക്കെതിരെ അണിചേരുക: കെ.യു.ഡബ്ല്യു.ജെ

തിരുവനന്തപുരം : തൊഴിലാളി അവകാശങ്ങൾ അടിച്ചമർത്തുന്ന ലേബർ കോഡുകൾ പ്രാബല്യത്തിലാക്കിയ കേന്ദ്ര സർക്കാർ നടപടി അങ്ങേയറ്റം അപലപനീയമെന്ന്​ കേരള പത്രപ്രവർത്തക യൂണിയൻ. രാജ്യത്തെ കോടിക്കണക്കായ തൊഴിലാളികൾ ഉയർത്തിയ കടുത്ത പ്രതിഷേധവും ആശങ്കയും അവഗണിച്ച കേന്ദ്ര സർക്കാർ നിലപാട്​ ജനാധിപത്യ മൂല്യങ്ങളോടു തന്നെയുള്ള വെല്ലുവിളിയാണ്​.​ തൊഴിലാളി അവകാശങ്ങൾക്കു മൂക്കുകയറിടുന്നതിനു പുറമെ മാധ്യമ സ്വാതന്ത്ര്യത്തിനും അഭിപ്രായ സ്വതന്ത്ര്യത്തിനും ഭീഷണി ഉയർത്തുന്ന ​ലേബർ കോഡുകൾക്കെതിരെ രാജ്യവ്യാപകമായി ഉയർന്ന എതിർപ്പ്​ അവഗണിച്ചാണ്​ കേന്ദ്രം മുന്നോട്ടുപോകുന്നത്. രാജ്യത്തെ മാധ്യമപ്രവർത്തകരുടെ സംരക്ഷണത്തിന്​ ഏഴു പതിറ്റാണ്ടായി നിലനിന്ന വർക്കിങ്​ ജേർണലിസ്റ്റ്​ ആക്ട്​ അടക്കം ഇല്ലാതാക്കിയാണ്​ കേന്ദ്രം ലേബർ കോഡുകൾ നടപ്പാക്കുന്നതെന്നത്​ മാധ്യമ മേഖലയിൽ സൃഷ്ടിക്കുന്ന പ്രതിസന്ധി ഏറെ വലുതാണ്​. ഇലക്​ട്രോണിക്​, ഡിജിറ്റൽ മേഖലകളിലെ മാധ്യമ പ്രവർത്തകരെയും വർക്കിങ്​ ജേർണലിസ്റ്റ്​ ആക്ടിന്‍റെ പരിധിയിൽ ഉൾപ്പെടുത്താൻ കാലങ്ങളായി തുടരുന്ന സമ്മർദം അവഗണിച്ചാണ്​ കേന്ദ്രം വർക്കിങ്​ ജേർണലിസ്റ്റ്​ ആക്ട്​ തന്നെ ഇല്ലാതാക്കിയിരിക്കുന്നത്​. ലേബർ കോഡുകൾക്കെതിരെ കൂടുതൽ ശക്​തമായ പ്രക്ഷോഭങ്ങൾ ഉയർന്നുവരേണ്ടതുണ്ട്​. അവകാശ സംരക്ഷണത്തിനായി രാജ്യത്തെ മുഴുവൻ മാധ്യമ പ്രവർത്തകരും ഒറ്റക്കെട്ടായി അണിനിരക്കണമെന്നും കേന്ദ്ര തൊ​ഴിലാളി സംഘടനകൾ ഈ വിഷയത്തിൽ നടത്തുന്ന എല്ലാ പോരാട്ടങ്ങളോടും കേരള ​പത്രപ്രവർത്തക യൂണിയൻ ഐക്യപ്പെടുന്നതായും പ്രസിഡന്‍റ്​ കെ.പി റജിയും ജനറൽ സെക്രട്ടറി സുരേഷ്​ എടപ്പാളും പ്രസ്താവനയിൽ പറഞ്ഞു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa