കേരള മാപ്പിള കലാ അക്കാദമി (KMKA)മൊഗ്രാൽ ചാപ്റ്റർപുതിയ കമ്മിറ്റിയുടെ പ്രവർത്തനോദ്ഘാടനവും പാട്ട്കൂട്ടവും 28ന്

മൊഗ്രാൽ : മെമ്പർഷിപ്പ് അടിസ്ഥാനത്തിൽ രൂപീകരിച്ച കേരള മാപ്പിള കലാ അക്കാദമി (KMKA) 

മൊഗ്രാൽ ചാപ്റ്റർ കമ്മിറ്റിയുടെ പ്രവർത്തനോദ്ഘാടനവും പാട്ട്കൂട്ടവും 28ന് (വെള്ളിയാഴ്ച)

 വൈകിട്ട് 6:30ന് മൊഗ്രാൽ ലീഗാഫീസിന് സമീപമുള്ള ഹെറിറ്റേജ് വില്ലയിൽ വെച്ച് നടക്കും. 

കേരള മാപ്പിള കലാ അക്കാദമി സംസ്ഥാന ചീഫ് കോഡിനേറ്റർ മുഹമ്മദലി മാസ്റ്റർ ഉദ്ഘാടനം ചെയ്യും. ചാപ്റ്റർ പ്രസിഡന്റ് എം മാഹിൻ മാസ്റ്റർ അധ്യക്ഷത വഹിക്കും.

മൊഗ്രാലിലെ കലാകാരന്മാരും ചാപ്റ്റർ അംഗങ്ങളും നേതൃത്വം നൽകുന്ന പാട്ട്ക്കൂട്ടം അരങ്ങേറും. കോൽക്കളി പ്രദർശനവും കൈമുട്ട് പാട്ടും പരിപാടിക്ക് കൊഴുപ്പേകും.

കുമ്പള സബ്ജില്ലാ സ്കൂൾ കലോത്സവത്തിൽ മാപ്പിളപ്പാട്ട് മത്സരത്തിൽ ഹൈസ്കൂൾ, ഹയർസെക്കൻഡറി വിഭാഗത്തിൽ ഒന്നാം സ്ഥാനം നേടിയ ജി.വി.എച്ച്.എസ്.എസ് മൊഗ്രാലിലെ ഇശൽ പ്രതിഭകൾ, കർണാനന്ദകരമായ ഗാനമാലപിച്ച് നിയമപാലകരുടെ പ്രശംസക്ക് പാത്രമായി സോഷ്യൽ മീഡിയയിൽ തരംഗമായി മാറിയ പിഞ്ചു പ്രതിഭ മുഹമ്മദ് ഇബ്രാഹിം സഹൽ എന്നിവരെ ചടങ്ങിൽ വെച്ച് ഉപഹാരം നൽകി അനുമോദിക്കും.

ഇവർ വേദിയിൽ ഗാനമാലപിക്കും. നാട്ടിലെ കലാ -സാംസ്കാരിക രംഗത്തെ പ്രമുഖർ ചടങ്ങിൽ സംബന്ധിക്കും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa