കൊപ്പളം വാർഡ് തോൽവി:യുഡിഎഫിന് വിനയായത് നാങ്കി കടപ്പുറത്തെ വെള്ളക്കെട്ട്.
കേവലം 46 വോട്ടിന്റെ വ്യത്യാസത്തിലാണ് യുഡിഎഫ് സ്ഥാനാർത്ഥി ബി എ ഖൈറുന്നിസ -ഇസ്മായിൽ( മുസ്ലിം ലീഗ്)തോറ്റത്. ആർജെഡിയിലെ ആയിഷ ടി എ- അബ്ദുൽ റിയാസാ ണ് വിജയിച്ചത്. പതിനഞ്ചോളം വരുന്ന പ്രദേശത്തെ വീടുകളിലെ വോട്ടർമാർ യുഡിഎഫിനോട് മുഖം തിരിച്ചുവെന്നാണ് പൊതുവെ വിലയിരുത്തൽ.
തെരഞ്ഞെടുപ്പ് പ്രചരണ വേളയിൽ തന്നെ വോട്ട് തേടി വന്ന യുഡിഎഫ് സ്ഥാനാർത്ഥികളോടും, പ്രവർത്തകരോടും പ്രദേശത്തെ വീട്ടുകാർ ഈ വിഷയം തുറന്നു പറഞ്ഞിരുന്നു. വെള്ളക്കെട്ട് വിഷയത്തിൽ ജനപ്രതിനിധികൾ തങ്ങളെ ഇത്രയും കാലം വഞ്ചിക്കുകയായിരുന്നുവെന്നാണ് പ്രദേശത്തുകാർ ചൂണ്ടിക്കാണിച്ചതും. വാഗ്ദാനവും, സന്ദർശനവും മാത്രമായിരുന്നു ഒന്നര പതിറ്റാണ്ട് കാലം ജനപ്രതിനിധികൾ ചെയ്തതെന്ന് പ്രദേശത്തുകാർ കുറ്റപ്പെടുത്തുന്നുമുണ്ട്.യുഡിഎഫ് തോൽവി വിലയിരുത്തുമ്പോഴും നാങ്കി പ്രദേശത്തെ വോട്ടുകളിലാണ് കുറവ് വന്നതെന്ന് യൂഡിഎഫ് പ്രവർത്തകർ വിലയിരുത്തുകയും ചെയ്തിട്ടുണ്ട്.ഇവിടെ കഴിഞ്ഞപ്രാവശ്യം മുസ്ലിം ലീഗ് സ്ഥാനാർത്ഥിയായി മത്സരിച്ച ഫാത്തിമത്ത് റിസാനാ-നിയാസ് വെൽഫെയർ പാർട്ടി പിന്തുണയോടെ സ്വതന്ത്രയായി മത്സരിച്ചിരുന്നുവെങ്കിലും 104 വോട്ട് മാത്രമാണ് നേടാനായത്.45 ഓളം വോട്ട് ഉണ്ടായിരുന്ന ബിജെപിക്ക് ഇപ്രാവശ്യം ഇവിടെ കേവലം 11 വോട്ട് മാത്രമാണ് നേടിയത്. ശ്രീമതി എസ് ആയിരുന്നു ഇവിടെ ബിജെപി സ്ഥാനാർത്ഥി.
കൊപ്പളം വാർഡിൽ ഇടതുമുന്നണിയിൽ എൽജെഡിക്ക് നൽകിയ സീറ്റിലാണ് സിപിഎം പ്രവർത്തകനും കഴിഞ്ഞപ്രാവശ്യത്തെ ഇടത് സ്വതന്ത്ര പഞ്ചായത്ത് അംഗവുമായ അബ്ദുൽ റിയാസിന്റെ ഭാര്യ ആയിഷ ടി എ മത്സരിച്ചതും വിജയിച്ചതും.കുമ്പള ഗ്രാമപഞ്ചായത്തിൽ യുഡിഎഫ് വമ്പിച്ച ഭൂരിപക്ഷത്തോടെ 15 വാർഡുകളിൽ വിജയിച്ചപ്പോൾ കൊപ്പളത്തിൽ മാത്രം പരാജയപ്പെട്ടത് മൊഗ്രാലിലെ യുഡിഎഫ് പ്രവർത്തകരിൽ വലിയ പ്രയാസമുണ്ടാക്കിയിരുന്നു.
തെറ്റുകൾ തിരുത്തി വികസന കാഴ്ചപ്പാടോടെ മുന്നോട്ടുപോകണമെന്ന് അഭിപ്രായമാണ് യുഡിഎഫ് പ്രവർത്തകർക്കുള്ളത്.ഇത് യുഡിഎഫ് പ്രവർത്തകർ നേതൃത്വത്തെ അറിയിച്ചിട്ടുമുണ്ട്.
ഫോട്ടോ:കൊപ്പളം വാർഡിൽ നിന്ന് വിജയിച്ച ആർജെഡി അംഗം ആയിഷ ടി എ- അബ്ദുൽ റിയാസ്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments