പാലക്കാട് നഗരസഭ: ബിജെപി ഭരണം അവസാനിപ്പിക്കാന് ഇരുമുന്നണി സമവായത്തിന് മുസ്ലിം ലീഗ്
ബിജെപി ഭരണം അവസാനിപ്പിക്കണമെങ്കില് ഇരുമുന്നണികളും രാഷ്ട്രീയ വൈരങ്ങള് മാറ്റിവെച്ച് ഒന്നിക്കണമെന്ന ആവശ്യം മുസ്ലിം ലീഗ് സംസ്ഥാന പ്രവര്ത്തക സമിതി അംഗം എം.എം. ഹമീദും തുറന്നുപറഞ്ഞിട്ടുണ്ട്. ഇതേ നിലപാടാണ് മുസ്ലിം ലീഗ് പാലക്കാട് ജില്ലാ അധ്യക്ഷന് മരക്കാര് മാരായമംഗലവും ആവര്ത്തിച്ചത്. നഗരസഭയില് ബിജെപിയുടെ മൂന്നാം ഊഴം എന്ന ലക്ഷ്യം തകര്ക്കാന് വിശാല രാഷ്ട്രീയ ഐക്യം അനിവാര്യമാണെന്നാണ് ലീഗിന്റെ വിലയിരുത്തല്.
പാലക്കാട് നഗരസഭയിലെ ആകെ 53 അംഗങ്ങളില് ബിജെപിക്ക് 25 അംഗങ്ങളാണുള്ളത്. കേവല ഭൂരിപക്ഷത്തിനായി രണ്ട് അംഗങ്ങളുടെ കൂടി പിന്തുണ ബിജെപിക്ക് ആവശ്യമാണ്. നിലവിലെ കക്ഷിനില യുഡിഎഫിന് 18, എല്ഡിഎഫിന് 9, സ്വതന്ത്രര് 1 എന്നിങ്ങനെയാണ്. ഈ സാഹചര്യത്തില് യുഡിഎഫും എല്ഡിഎഫും ധാരണയിലെത്തിയാല് ബിജെപിയെ അധികാരത്തില് നിന്ന് മാറ്റിനിര്ത്താന് സാധിക്കും. 18 അംഗങ്ങളുള്ള യുഡിഎഫിനെ ഒന്പത് അംഗങ്ങളുള്ള ഇടതുപക്ഷം പിന്തുണച്ചാല് ഭരണം രൂപീകരിക്കാമെന്നതാണ് കണക്കുകൾ.
ഇതിനിടെയാണ് കോണ്ഗ്രസ് വിമതനായി വിജയിച്ച എച്ച്. റഷീദിനെ ചെയര്മാന് സ്ഥാനത്തേക്ക് ഉയര്ത്തിക്കാട്ടി ബിജെപിയെ അധികാരത്തില് നിന്ന് അകറ്റാനുള്ള നീക്കത്തിന് മുസ്ലിം ലീഗ് മുന്കൈ എടുക്കുന്നത്. വ്യക്തിനിഷ്ഠമായ സമവായത്തിലൂടെ രാഷ്ട്രീയ പ്രതിസന്ധിക്ക് പരിഹാരം കാണാമെന്ന പ്രതീക്ഷയാണ് ലീഗ് മുന്നോട്ടുവയ്ക്കുന്നത്.
പാലക്കാട് നഗരസഭയിലെ ഈ നീക്കങ്ങള് പ്രാദേശിക ഭരണത്തില് സിദ്ധാന്ത രാഷ്ട്രീയം മാത്രമല്ല, രാഷ്ട്രീയ യാഥാര്ഥ്യങ്ങളും നിര്ണായകമാണെന്നതിന്റെ സൂചനയാണ്. ബിജെപിയെ അധികാരത്തില് നിന്ന് മാറ്റിനിര്ത്തുക എന്ന ഏക ലക്ഷ്യത്തിന് വേണ്ടി ഇരുമുന്നണികളും കൈകോര്ക്കുമോ എന്നതാണ് ചോദ്യം. അങ്ങനെ സംഭവിച്ചാല് അത് പാലക്കാടിന്റെ മാത്രമല്ല, സംസ്ഥാന രാഷ്ട്രീയത്തിന്റെ തന്നെ ദിശയെ സ്വാധീനിക്കുന്ന സന്ദേശമാകും. മറുവശത്ത്, രാഷ്ട്രീയ അകലം നിലനില്ക്കുന്നുവെങ്കില് ബിജെപി വീണ്ടും അധികാരത്തിലേക്ക് കടക്കാനുള്ള വഴി തുറന്നുകിടക്കും. പ്രാദേശിക ഭരണത്തില് രാഷ്ട്രീയ വൈരങ്ങളെക്കാള് ജനാധിപത്യ മൂല്യങ്ങളും ഭരണ സ്ഥിരതയും മുന്ഗണനയാകണമെന്ന സന്ദേശമാണ് പാലക്കാട് നഗരസഭ മുന്നണികള്ക്ക് മുന്നില് വെക്കുന്നത്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments