*കുമ്പളയിലെ ടോൾ: എ കെ എം അഷ്‌റഫ് എംഎൽഎയെ അറസ്റ്റ് ചെയ്തു; സമരപ്പന്തൽ പൊളിച്ചുമാറ്റി പൊലീസ് 500 പേർക്ക് എതിരെ കേസ്*

കാസർകോട് : കുമ്പള ടോൾ പ്ലാസയിലെ ടോൾ പിരിവിനെതിരെ തുടരുന്ന പ്രതിഷേധം ശക്തമാകുന്നതിനിടെ സമര പന്തലിൽനിന്ന് മഞ്ചേശ്വരം എംഎൽഎ എ കെ എം അഷ്റഫിനെ അറസ്റ്റ് ചെയ്ത് പൊലീസ്. ഇന്ന് രാവിലെ ഡിവൈഎസ്‌പിയുടെ നേതൃത്വത്തിലുള്ള വൻ പൊലീസ് സന്നാഹമെത്തിയാണ് എംഎൽഎയെയും മറ്റ് സമരക്കാരെയും അറസ്റ്റ് ചെയ്ത് നീക്കിയത്. ടോൾ പ്ലാസക്ക് സമീപമുണ്ടായിരുന്ന സമര പന്തലും പൊളിച്ചു മാറ്റി.

സമരം തുടർന്നാൽ ക്രമസമാധാനം തകരാൻ സാധ്യത ഉണ്ടെന്നും സഹകരിക്കണം എന്നും പറഞ്ഞുകൊണ്ടാണ് പൊലീസ് സമരക്കാരെ കസ്റ്റഡിയിൽ എടുത്തത്. സമരം സംഘർഷത്തിലേക്ക് കടന്നതോടെ

ദേശീയപാതയോരത്തെ സമരം അവസാനിപ്പിക്കണമെന്ന് കാണിച്ച് പൊലീസ് എ കെ എം അഷ്‌റഫ്‌ എംഎൽഎയ്ക്ക്‌ നോട്ടീസ് നൽകിയിരുന്നു. സമരം തുടർന്നാൽ അറസ്റ്റ് ചെയ്യുമെന്നും മുന്നറിയിപ്പ് നൽകിയിരുന്നു. പിന്നാലെയാണ് നടപടി. അതേ സമയം സമരം തുടരുമെന്ന് എംഎൽഎ പറഞ്ഞു.

കുമ്പളയിലെ ടോൾ പിരിവിനെതിരെയുള്ള സമരത്തിനിടെ ഉണ്ടായ സംഘർഷത്തിൽ പൊലീസ് കണ്ടാലറിയുന്ന 500 പേർക്കെതിരെ കേസെടുത്തിരുന്നു. നിയമവിരുദ്ധമായ ഒത്തുചേരൽ, കലാപം തുടങ്ങിയ വകുപ്പുകൾ ചുമത്തിയാണ് കേസെടുത്തത്. കുമ്പള പൊലീസ് സ്വമേധയാ കേസെടുക്കുകയായിരുന്നു.

പ്രതിഷേധത്തിനിടെ ടോൾ ബൂത്തിലെ ചില്ലുകളും ക്യാമറകളും ഉപകരണങ്ങളും തകർത്തിരുന്നു. ജില്ലാ കലക്ടറുമായി നടത്തിയ ചർച്ച പരാജയപ്പെട്ടതിന് പിന്നാലെ ബുധനാഴ്ച രാത്രിയാണ് സമരം അക്രമാസക്തമായത്.

കുമ്പള ടോൾ പിരിവുമായി ബന്ധപ്പെട്ട് ബുധനാഴ്ച ജില്ലാ കളക്ടർ ഇമ്പശേഖറുമായി നടത്തിയ ചർച്ച പരാജയപ്പെട്ടിരുന്നു. ടോൾ പിരിവ് തുടരുമെന്ന് ദേശീയപാത അതോറിറ്റി യോഗത്തിൽ നിലപാട് എടുത്തു. സത്യഗ്രഹ സമരം തുടരുമെന്ന് എകെഎം അഷ്‌റഫ്‌ എംഎൽഎയും വ്യക്തമാക്കിയിരുന്നു. യോഗ തീരുമാനങ്ങൾ ചീഫ് സെക്രട്ടറിയെ അറിയിക്കുമെന്ന് കലക്ടർ ഉറപ്പ് നൽകിയിട്ടുണ്ട്.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa