*മൊകേരിക്കടുത്ത് സ്കൂൾ ഗ്രൗണ്ടിൽ 8 ഐസ്ക്രീം ബോംബുകൾ കണ്ടെത്തി; ബോംബുകൾ സഞ്ചിയിൽ സൂക്ഷിച്ച നിലയിൽ*

കണ്ണൂർ : പാനൂർ മൊകേരിയിലെ തങ്ങൾപീടികയിൽ സ്കൂൾ മൈതാനത്തു നിന്ന് 8 ഐസ്ക്രീം ബോംബുകളും കണ്ണവം തൊടീക്കളത്തെ ആളൊഴിഞ്ഞ പറമ്പിൽ നിന്ന് 4 സ്റ്റീൽ ബോംബുകളും കണ്ടെത്തി. മൊകേരി തങ്ങൾപീടികയിലെ സഹ്റ പബ്ലിക് സ്കൂളിന്റെ ഗ്രൗണ്ടിൽ വച്ചിരുന്ന ടാർവീപ്പകൾക്കിടയിൽ നിന്നാണ് ഐസ്ക്രീം ബോംബുകളും ഒരു വടിവാളും കണ്ടെത്തിയത്.

ബോംബുകൾ സഞ്ചിയിൽ സൂക്ഷിച്ച നിലയിലായിരുന്നു. സമീപത്തെ റോഡിന്റെ നാളെത്തുടങ്ങുന്ന ടാറിങ്ങിനായി തൊഴിലാളികൾ വീപ്പകൾ എടുത്തപ്പോഴാണു ബോംബ് ശ്രദ്ധയിൽപെട്ടത്. ബോംബ് സ്ക്വാ‍‍ഡ് എത്തി പാനൂർ പൊലീസ് സ്റ്റേഷനിലേക്കു മാറ്റി. ഐസ്ക്രീം നിറയ്ക്കുന്ന പ്ലാസ്റ്റിക് ഡപ്പികളാണ് ബോംബിനായി ഉപയോഗിച്ചത്. 

തൊടീക്കളത്തിനു സമീപത്തെ ആളൊഴിഞ്ഞ പറമ്പിലെത്തിയ സ്ത്രീയാണു ബക്കറ്റിൽ സൂക്ഷിച്ച രണ്ട് സ്റ്റീൽ ബോംബുകൾ കണ്ടത്. പിന്നീട് കണ്ണവം പൊലീസും ബോംബ് സ്ക്വാഡും നടത്തിയ പരിശോധനയിൽ ഇതേ ബക്കറ്റിൽ അറക്കപ്പൊടിയിട്ടു മൂടിയ രണ്ട് സ്റ്റീൽ ബോംബുകൾ കൂടി കണ്ടെത്തി. ഇത് കണ്ണവം പൊലീസ് സ്റ്റേഷനിലേക്കു മാറ്റി. തിരഞ്ഞെടുപ്പിനെത്തുടർന്ന് ഈ മേഖലകളിൽ അക്രമ സംഭവങ്ങൾ ഉണ്ടായിരുന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa