നാൾ മരം മുറിക്കൽ ചടങ്ങ് നടന്നു.

പള്ളിക്കര : കീക്കാൻ ചേറ്റുകു ണ്ട് ചിത്താരി കടപ്പുറം ശ്രീ വിഷ്ണുമൂർത്തി ഒറ്റക്കോല മഹോത്സവം കമ്മറ്റിയുടെ നേതൃത്വത്തിൽ 2026 ഫെബ്രുവരി 28, മാർച്ച് 1 തീയതികളിൽ ഒറ്റക്കോല മഹോത്സവം നടക്കും. ഒറ്റക്കോല മഹോത്സവത്തിന് മുന്നോടിയായുള്ള നാൾ മരം മുറിക്കൽ ചടങ്ങ് ഭക്തിസാന്ദ്രമായ അന്തരീക്ഷത്തിൽ നടന്നു. ചേറ്റുകുണ്ട് വലിയപുര തറവാട്ടിൽ നിന്നും ക്ഷേത്ര സ്ഥാനികരുടെയും, വെളിച്ചപ്പാടന്മാരുടെയും മറ്റ് പരികർമ്മികളുടെയും ഭക്തജനങ്ങളുടെയും കൂട്ട പ്രാർത്ഥനയ്ക്ക് ശേഷം ഒറ്റക്കോല മഹോത്സവത്തിനുള്ള നാൾ മരമായ പ്ലാവ് കണ്ടെത്തിയ കീക്കാൻ എത്താം കോട്ട ശ്രീ ദുർഗാംബിക  ദേവസ്ഥാനത്തേക്ക് പുറപ്പെട്ടു. തുടർന്ന് ആചാര വിധിപ്രകാരമുള്ള കർമ്മങ്ങൾക്ക് ശേഷം പെരുംകൊല്ലൻ എ. ഷൈജു മുക്കൂടിന്റെ കാർമ്മികത്വത്തിൽ  ഒറ്റക്കോലത്തിനുള്ള നാൾമരം മുറിച്ചെടുത്തു. മുറിച്ചെടുത്ത മരവും ശിഖരങ്ങളും ആചാര സാനികരുടെയും മറ്റ് ഭക്തജനങ്ങളുടെയും നേതൃത്വത്തിൽ ഹരി ഗോവിന്ദ നാമ സങ്കീർത്തനത്തോടെ ഒറ്റക്കോല മഹോത്സവം നടക്കുന്ന കീക്കാൻ ചേറ്റുകുണ്ട് ചിത്താരി കടപ്പുറം വിഷ്ണുമൂർത്തി ഒറ്റക്കോല മഹോത്സവ സന്നിധിയിൽ എത്തിച്ചു. ആചാര സ്ഥാനികർ, മഹോത്സവ കമ്മിറ്റി പ്രസിഡണ്ട് സി. കെ. ഗംഗാധരൻ, സെക്രട്ടറി നാഗരാജ് കീക്കാൻ, ട്രഷറർ സുകുമാരൻ ചേറ്റുകുണ്ട് എന്നിവർ പ്രവർത്തനങ്ങൾക്ക് നേതൃത്വം നൽകി.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa