നിയമസഭാ തെരഞ്ഞെടുപ്പില് കൂടുതല് സീറ്റു വേണ്ട; പുതിയ നീക്കവുമായി മുസ്ലീംലീഗ്
2021ലെ നിയമസഭാ തെരഞ്ഞെടുപ്പില് 25 സീറ്റുകളിലാണ് ലീഗ് മത്സരിച്ചത്. പതിനഞ്ച് എണ്ണത്തില് വിജയിക്കുകയും ചെയ്തു. ഇപ്പോള് വിജയസാധ്യതയില് മാത്രമാണ് കേന്ദ്രീകരിക്കുന്നതെന്നും തുടര്ച്ചയായി തോല്ക്കുന്ന സീറ്റുകള് കോണ്ഗ്രസ് ഉള്പ്പടെയുള്ള ഘടകകക്ഷികളുമായി വച്ചുമാറുന്നതാണ് ആലോചിക്കുന്നതെന്നും ലീഗിലെ പ്രമുഖ നേതാവ് ന്യൂ ഇന്ത്യന് എക്സ്പ്രസിനോട് പറഞ്ഞു. സീറ്റ് വിഭജനവുമായി ബന്ധപ്പെട്ട പ്രാഥമിക ചര്ച്ചയില് കഴിഞ്ഞ തെരഞ്ഞെടുപ്പില് നേടിയതും നഷ്ടപ്പെട്ടതുമായ സീറ്റുകളുടെ വിജയസാധ്യത വിലയിരുത്താന് കോണ്ഗ്രസും ലീഗും പരസ്പരം ധാരണയായി. ഇതിന്റെകൂടി അടിസ്ഥാനത്തിലാകും സീറ്റുകള് കൈമാറുന്ന കാര്യത്തില് അന്തിമ തീരുമാനം ഉണ്ടാകുക.
കഴിഞ്ഞ തെരഞ്ഞെടുപ്പില് ലീഗിന് നഷ്ടപ്പെട്ട 10 സീറ്റുകളെ കേന്ദ്രീകരിച്ചാണ് നിലവില് കോണ്ഗ്രസ്-ഐയുഎംഎല് ചര്ച്ചകള് പുരോഗമിക്കുന്നത്. തൃശൂര് ജില്ലയില് മുസ്ലീം ലീഗീന്റെ കൈവശമുള്ള ഗുരുവായൂര് സീറ്റ് ഏറ്റെടുക്കാന് കോണ്ഗ്രസ് താത്പര്യം പ്രകടിപ്പിച്ചെങ്കിലും ആ സീറ്റ് വിട്ട് നല്കേണ്ടതില്ലെന്നാണ് ലീഗിന്റെ തീരുമാനം. അതേസമയം, കൊല്ലം ജില്ലയിലെ മുസ്ലീം ലീഗിന്റെ സീറ്റായ പുനലൂരിന് പകരം ഇരവിപുരം അല്ലെങ്കില് ചടയമംഗലം എന്നിവയില് ഏതെങ്കിലും ഒന്നിനാണ് ലീഗ് അവകാശവാദം ഉന്നയിക്കുന്നത്. എന്നാല് ഈ മണ്ഡലങ്ങളുടെ കാര്യത്തില് കോണ്ഗ്രസ്- ആര്എസ്പിയും തമ്മിലുള്ള ചര്ച്ചകള്ക്ക് ശേഷമായിരിക്കും അന്തിമതീരുമാനം ഉണ്ടാകുക.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments