“ഒരു വീട് – ഒരു വൃക്ഷം” ഹരിത പദ്ധതിക്ക് തുടക്കമായി
ഹാമിലി ഫാമിലി ഹെൽത്ത് സെന്റർ (FHC), തേവർകടപ്പുറത്ത് 2026 ജൂൺ 5-ന് രാവിലെ 9 മണിക്ക് നടന്ന ചടങ്ങ് പ്രശസ്ത ഗായകനും സംഗീതനിരൂപകനും ചാനൽ ജൂറി അംഗവുമായ ശ്രീ. ഫിറോസ് ബാബു ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ശ്രീ. നാസർ പൊളാട്ട് അധ്യക്ഷത വഹിച്ചു. മുൻ ഗ്രാമപഞ്ചായത്ത് പ്രസിഡന്റ് ശ്രീ. പി.പി. സെയ്തലവി വൃക്ഷത്തൈ വിതരണോദ്ഘാടനം നിർവഹിച്ചു.
ഓരോ വീട്ടിലും ഒരു വൃക്ഷമെങ്കിലും നട്ടുപിടിപ്പിച്ച് പരിസ്ഥിതി സംരക്ഷണ പ്രവർത്തനങ്ങളിൽ ജനങ്ങളുടെ പങ്കാളിത്തം ഉറപ്പാക്കുക എന്നതാണ് പദ്ധതിയുടെ പ്രധാന ലക്ഷ്യം. വാർഡിലെ എല്ലാ വീടുകളിലേക്കും വൃക്ഷത്തൈകൾ വിതരണം ചെയ്യുകയും അവ സംരക്ഷിച്ച് വളർത്തുന്നതിനുള്ള ബോധവൽക്കരണവും നടത്തുകയും ചെയ്തു.
ചടങ്ങിൽ മെഡിക്കൽ ഓഫീസർ ഡോ. ജസീന ഹമീദ്, വാർഡ് മെമ്പർമാരായ സമീർ, നസീറ, മുൻ വാർഡ് മെമ്പർ ശ്രീധരൻ, അക്രഡിറ്റഡ് എഞ്ചിനീയർ റുഖ്സി ജബ്നാസ് ഖാൻ, ഓവർസിയർ റഷീദ് എൻ.പി., ഷാഫി ഒ.പി., നിഷ എം., മുഹാജിർ എന്നിവർ ആശംസകൾ നേർന്നു.
തൊഴിലുറപ്പ് തൊഴിലാളികൾ, ആരോഗ്യ പ്രവർത്തകർ, കുടുംബശ്രീ അംഗങ്ങൾ, പ്രദേശവാസികൾ എന്നിവർ പങ്കെടുത്ത പരിപാടി ശ്രദ്ധേയമായി. വാർഡ് മെമ്പർ ശ്രീ. ഫൈസൽ ഷാനിനറിന്റെ നേതൃത്വത്തിൽ സംഘടിപ്പിച്ച ചടങ്ങിൽ പരിസ്ഥിതി സംരക്ഷണത്തിന്റെ പ്രാധാന്യവും ഹരിത ജീവിതശൈലിയുടെ ആവശ്യകതയും വിശദീകരിച്ചു. വാർഡിനെ കൂടുതൽ ഹരിതസമൃദ്ധമാക്കുന്നതിനും വരുംതലമുറയ്ക്ക് ശുദ്ധവും ആരോഗ്യകരവുമായ പരിസ്ഥിതി ഉറപ്പാക്കുന്നതിനും എല്ലാവരും വൃക്ഷത്തൈകൾ സംരക്ഷിച്ച് വളർത്തണമെന്ന് ചടങ്ങിൽ ആഹ്വാനം ചെയ്തു.
“ഒരു വീട് – ഒരു വൃക്ഷം” പദ്ധതി വാർഡിലെ ജനങ്ങളുടെ സഹകരണത്തോടെ മാതൃകാപരമായ ഹരിത സംരംഭമായി മാറുമെന്ന് സംഘാടകർ അറിയിച്ചു.
പരിപാടിക്ക് രാഖി പി.പി. നന്ദി രേഖപ്പെടുത്തി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments