മുഹമ്മദ് അശ്റഫിന്റെ മൃതദേഹം നാട്ടിലേക്ക് കൊണ്ടുപോയി.

മംഗലാപുരം: ഞായറാഴ്ച കുഡുപ്പിന് സമീപം ഗുണ്ടാ ആക്രമണത്തിന് ഇരയായി മരിച്ച വ്യക്തിയുടെ തിരിച്ചറിയൽ പൂർത്തിയായി. കേരളത്തിലെ വയനാട് പുൽപള്ളി സ്വദേശി മുഹമ്മദ് അശ്റഫാണ് കൊല്ലപ്പെട്ടതെന്ന് തിരിച്ചറിഞ്ഞു. വിവരം അറിഞ്ഞ ഉടൻ കർണാടക നിയമസഭാ സ്പീക്കർ ശ്രീ യു.ടി. ഖാദർ, എഐസിസി ജനറൽ സെക്രട്ടറി കെ.സി. വേണുഗോപാൽ, വയനാട് എംഎൽഎ അഡ്വ. ടി. സിദ്ദീഖ് എന്നിവരുമായി ബന്ധപ്പെട്ടു. തുടർന്ന്, അന്ന് രാത്രി തന്നെ മരിച്ചയാളുടെ സഹോദരൻ അബ്ദുൽ ജബ്ബാർ ഉൾപ്പെടെയുള്ള കുടുംബാംഗങ്ങൾ മംഗലാപുരത്ത് എത്തി മൃതദേഹം തിരിച്ചറിഞ്ഞു.പിന്നീട്, മൃതദേഹം മംഗലാപുരം ബന്ദറിലെ ജീനത്ത് ബക്ഷ് ജുമാ മസ്ജിദിൽ കുളിപ്പിച്ച്, ജനാസ നമസ്കാരത്തിന്റെ ചടങ്ങുകൾ പൂർത്തിയാക്കിയ ശേഷം ബുധനാഴ്ച പുലർച്ചെ 5 മണിക്ക് പോലീസ് ജീപ്പിന്റെ അകമ്പടിയോടെ കേരളത്തിലേക്ക് കൊണ്ടുപോയി.നിയമസഭാ സ്പീക്കർ യു.ടി. ഖാദറിന്റെ നിർദേശപ്രകാരം, കോൺഗ്രസ് ന്യൂനപക്ഷ വിഭാഗം ജില്ലാ പ്രസിഡന്റ് ഷാഹുൽ ഹമീദ് കെ.കെ, മുൻ മേയർ അശ്റഫ് കെ, സുഹൈൽ കന്ദക്, സുനിൽ ബജലകേരി, ലോറൻസ് ഡിസോസ, വാഹിദ് കുദ്രോളി തുടങ്ങിയവർ പുലർച്ചെ വരെ സ്ഥലത്ത് തുടർന്ന് നടപടിക്രമങ്ങൾക്ക് സഹായിച്ചു.

 

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 9995552107വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa