കേക്ക് തൊണ്ടയിൽ കുടുങ്ങി യുവതി മരിച്ചു. സംഭവം മകളുടെ വിവാഹ തലേന്ന്.
മലപ്പുറം: താനൂരിൽ പലഹാരം തൊണ്ടയില് കുടുങ്ങി യുവതി മരിച്ചു. താനാളൂര് മഹല്ല് ജുമാ മസ്ജിദിന് സമീപം സൈനബ (44) യാണ് ചികിത്സയിലിരിക്കെ മരിച്ചത്. വ്യാഴാഴ്ച വൈകീട്ട് ചായയുടെ കൂടെ പലഹാരമായ കപ്പ് കേക്ക് കഴിക്കുന്നതിനിടെ അവശിഷ്ടം തൊണ്ടയില് കുടുങ്ങുകയായിരുന്നു. ഉടനെ കോട്ടക്കലിലെ സ്വകാര്യ ആശുപത്രിയിലും തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലും എത്തിച്ചെങ്കിലും വെള്ളിയാഴ്ച വൈകീട്ടോടെ മരണം സംഭവിച്ചു.
ശനിയാഴ്ച സൈനബയുടെ മകള് ഖൈറുന്നീസയുടെ വിവാഹം നടക്കാനിരിക്കെയായിരുന്നു സംഭവം. തുടർന്ന് വെള്ളിയാഴ്ച തന്നെ മകളുടെ നിക്കാഹ് കര്മ്മം മാത്രം നടത്തി മറ്റുവിവാഹ ചടങ്ങുകള് മാറ്റിവെയ്ക്കുകയായിരുന്നു. പരേതരായ നമ്പിപറമ്പില് കുഞ്ഞിമുഹമ്മദിന്റെയും ഉണ്ണീമയുടെ മകളാണ് സൈനബ. ഭര്ത്താവ്: എടവണ്ണ ഒതായി സ്വദേശി ചെമ്പന് ഇസ്ഹാഖ്. മകള്: ഖൈറുന്നീസ. മരുമകന്: സല്മാന് തൊട്ടിയില് (താനാളൂര്). സഹോദരങ്ങള്: അബ്ദുല് മജീദ്, അബ്ദുറഹ്മാന്, അബ്ദുല് കരീം, ബഷീര്, അബ്ദു നാസര്, അബ്ദുല് ജലീല്, ഫാത്തിമ, പരേതനായ അബ്ദുല് കാദർ.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments