മത്സരയോട്ടത്തിനിടെ ബസ് ദമ്പതികൾ സഞ്ചരിച്ച സ്കൂട്ടറിൽ തട്ടി; റോഡിൽ വീണ ഭാര്യയുടെ ശരീരത്തിലൂടെ ബസ് കയറിയിറങ്ങി; ദാരുണാന്ത്യം..!

കോഴിക്കോട് : സ്വകാര്യ ബസുകളുടെ മത്സരയോട്ടത്തിനിടെ സ്കൂട്ടറിൽ ഇടിച്ചുണ്ടായ അപകടത്തിൽ യാത്രക്കാരിക്ക് ദാരുണാന്ത്യം. കൊണ്ടോട്ടി പള്ളിക്കൽ സ്വദേശി കള്ളിക്കൂടം അബൂബക്കറിൻ്റെ ഭാര്യ തസ്‌ലീമ (55) ആണ് മരിച്ചത്. ഇന്ന് (തിങ്കളാഴ്ച) വൈകീട്ട് രാമനാട്ടുകര പെരുമുഖം ജംഗ്ഷനിലായിരുന്നു സംഭവം.

കോഴിക്കോട് നിന്നും മഞ്ചേരിയിലേക്ക് പോവുകയായിരുന്ന സ്വകാര്യ ബസാണ് അപകടമുണ്ടാക്കിയത്. തസ്‌ലീമയും ഭർത്താവ് അബൂബക്കറുമാണ് സ്കൂട്ടറിൽ യാത്ര ചെയ്തിരുന്നത്.

മത്സരയോട്ടത്തിനിടെ ബസ് സ്കൂട്ടറിൽ തട്ടിയതിനെ തുടർന്ന് ഇരുവരും റോഡിലേക്ക് വീണു. ​താഴെ വീണ തസ്ലീമയുടെ ശരീരത്തിലൂടെ ബസിൻ്റെ പിൻചക്രങ്ങൾ കയറിയിറങ്ങുകയായിരുന്നു.

ഉടൻതന്നെ നാട്ടുകാർ ഓടിക്കൂടി തസ്‌ലീമയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭർത്താവ് അബൂബക്കറിന് കാര്യമായ പരിക്കുകളൊന്നും ഏൽക്കാതെ രക്ഷപ്പെട്ടു.

മത്സരയോട്ടം നടത്തിയ ബസുകൾക്കെതിരെ കനത്ത പ്രധിഷേധം ആണ് ഉയർന്നത്. തസ്‌ലീമയുടെ മയ്യിത്ത് പോസ്റ്റ്‌മോർട്ടത്തിനായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടുനൽകും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa