സൗദി അപകടം; രക്ഷപ്പെട്ടത് മുഹമ്മദ് അബ്ദുൽ ഷോയിബ് മാത്രം, അപകട സമയം ഇരുന്നത് ഡ്രൈവർ സീറ്റിന് സമീപം

മദീന : സൗദി അറേബ്യയിൽ ഉംറ തീർത്ഥാടനം കഴിഞ്ഞ് മടങ്ങിയ സംഘം സഞ്ചരിച്ച ബസ് ഡീസൽ ടാങ്കറുമായി കൂട്ടിയിടിച്ച് തീപ്പിടിച്ചുണ്ടായ അപകടത്തിൽ രക്ഷപ്പെട്ടത് ഒരാൾ മാത്രം. മരണത്തെ മുഖാമുഖം കണ്ട 24-കാരൻ മുഹമ്മദ് അബ്‌ദുൽ ഷോയിബാണ് അപകടത്തിൽ നിന്ന് അത്ഭുതകരമായി രക്ഷപ്പെട്ടത്. ഡ്രൈവർ അടക്കം 46 പേരായിരുന്നു ബസിലുണ്ടായിരുന്നത്. 45 പേരും അപകടത്തിൽ മരിച്ചു.

ഷോയിബ് ഇപ്പോൾ ആശുപത്രിയിൽ ചികിത്സയിലാണ്. ഷോയിബ് ഹൈദരാബാദ് സ്വദേശിയാണ്. അദ്ദേഹത്തെ ആശുപത്രിയിൽ പ്രവേശിപ്പിച്ചിട്ടുണ്ടെന്നും എന്നാൽ ആരോഗ്യനിലയെക്കുറിച്ച് വ്യക്തതയില്ലെന്നും അധികൃതർ അറിയിച്ചു. അപകട സമയത്ത് ഡ്രൈവർ സീറ്റിന് സമീപത്തെ സീറ്റിലായിരുന്നു ഷോയിബ് ഇരുന്നിരുന്നത്. നവംബർ ഒമ്പതിന് ഹൈദരാബാദിൽ നിന്ന് യാത്ര തിരിച്ച 54 അംഗ സംഘത്തിൽ 46 പേരാണ് അപകടത്തിൽപ്പെട്ടത്. ദാരുണമായ അപകടത്തിൽ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.

വാഹനാപകടത്തിൽ മരിച്ച ഇന്ത്യൻ തീർത്ഥാടകരിൽ, ഒമ്പത് കുട്ടികളടക്കം ഒരു കുടുംബത്തിലെ പതിനെട്ട് പേരും ഉൾപ്പെടുന്നു. ഹൈദരാബാദ് സ്വദേശികളായ കുടുംബം ശനിയാഴ്ച‌ മടങ്ങാനിരിക്കുകയായിരുന്നുവെന്ന് ബന്ധുക്കളെ ഉദ്ധരിച്ച്  റിപ്പോർട്ട് പുറത്ത് വരുന്നു.

മരിച്ചവരിൽ ഒരു കുടുംബത്തിലെ 18 പേര്, ഉപ്പ ഉമ്മ 3 പെൺമക്കൾ 1 മകൻ അവരുടെ മക്കൾ.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa