വെള്ളിക്കോത്ത് : നവീകരിച്ച വെള്ളിക്കോത്ത് മുഹ്യിദ്ദിൻ ജുമാ മസ്ജിദ് ഉദ്ഘാടനം സമസ്ത കേരള ജംഇയ്യത്തുൽ ഉലമ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ അസർ നിസ്കാരത്തിന് നേതൃത്വം നൽകിക്കൊണ്ട് നിർവഹിച്ചു. വെള്ളിക്കോത്ത് ജുമാ മസ്ജിദ് ഖത്തീബ് അബ്ദുല്ല അശ് റഫി മാടക്കൽ അധ്യക്ഷത വഹിച്ചു. കാഞ്ഞങ്ങാട് സംയുക്ത ജമാഅത്ത് പ്രസിഡണ്ട് മുബാറക്ക് അസൈനാർ ഹാജി മുഖ്യാതിഥിയായി പങ്കെടുത്തു. കാഞ്ഞങ്ങാട് സംയുക്ത ജമാഅത്ത് ജനറൽ സെക്രട്ടറി ബഷീർ വെള്ളിക്കോത്ത് മുഖ്യ പ്രഭാഷണം നടത്തി. അബൂബക്കർ ഫൈസി മാനാക്കോട്, അബ്ദുല്ല ദാരിമി തോട്ടം, ഉബൈദ് റിസ് വി ഇരിയ, കുഞ്ഞഹമ്മദ് ഹാജി പാലക്കി, കെ. ഇ. എ ബക്കർ, കെ. യു. ദാവൂദ് ഹാജി, താ യൽ അബ്ദുൽ റഹ്മാൻ ഹാജി ആലി ചിറകുണ്ട്, മൂസ വെള്ളിക്കോത്ത്, അസീസ് വെള്ളിക്കോത്ത്, ഹംസ മുസ്ലിയാർ, ഷബീർ അലി അസ്ഹരി, ആഷിക് അശ് റഫി,കബീർ അസ്ഹരി, ഉമ്മർ മൗലവി എരുമാട്, ശരീഫ് എൻജിനീയർ, അബ്ദുല്ല അമാനി, ഷംസുദ്ദീൻ കല്ലൂരാവി, ജാതിയിൽ ഹസൈനാർ, ഗദ്ദാഫി മൂലക്കണ്ടം, മജീദ് തായൽ, ശരീഫ് എം. ബി, മുഹമ്മദ് കുഞ്ഞി കുളത്തിങ്കാൽ, അബൂബക്കർ കൊളവയൽ, ഉസ്മാൻ ഖലീജ്, ഇബ്രാഹിം അസ്നവി എന്നിവർ സംസാരിച്ചു. പള്ളിയുടെ പുനർനിർമ്മാണം ഏറ്റെടുത്തു നടത്തിയ ശരീഫ് എൻജിനീയർ, പള്ളിയുടെ പുനർനിർമാണത്തിനായി ജമാഅത്ത് കമ്മിറ്റി യോടൊപ്പം സഹകരിച്ച് പ്രവർത്തിച്ച കാഞ്ഞങ്ങാട് സംയുക്ത ജമാഅത്ത് കമ്മിറ്റി ജനറൽ സെക്രട്ടറി ബഷീർ വെള്ളിക്കോത്ത്, മേൽനോട്ടം വഹിച്ച ജമാഅത്ത് കമ്മിറ്റി ജനറൽ സെക്രട്ടറി അബ്ദുൽ ഹമീദ് കൊളവയൽ എന്നിവരെ സയ്യിദ് മുഹമ്മദ് ജിഫ്രി മുത്തുകോയ തങ്ങൾ ഉപഹാരം നൽകി അനുമോദിച്ചു. വെള്ളിക്കോത്ത് മഹല്ല് ജമാഅത്ത് പ്രസിഡണ്ട് മൊയ്തു ഹാജി കൊടവലം സ്വാഗതവും വെള്ളിക്കോത്ത് മഹല്ല് ജനറൽ സെക്രട്ടറി അബ്ദുൽ ഹമീദ് കൊളവയൽ നന്ദിയും പറഞ്ഞു.
No comments