കസബ് പ്രവാസി കൂട്ടായ്മയുടെ കുടുംബ സംഗമം കാസർകോട് ഫ്ലോറ ഓഡിറ്റോറിയത്തിൽ വച്ച് നടന്നു.

കാസർഗോഡ് : കസബ് പ്രവാസി കൂട്ടായ്മയുടെ നേതൃത്വത്തിൽ സംഘടിപ്പിച്ച കുടുംബ സംഗമം കാസർകോട് ഫ്ലോറ ഓഡിറ്റോറിയത്തിൽ വിജയകരമായി നടന്നു. തിരുവനന്തപുരം മുതൽ കാസർകോട് വരെ വ്യാപിച്ചുകിടക്കുന്ന കസബിലെ പ്രവാസികൾ കുടുംബസമേതം പങ്കെടുത്ത ഈ മഹാസംഗമത്തിൽ ആയിരത്തിലധികം പ്രവാസികൾ പങ്കാളികളായി. ഈ പരിപാടിക്കായി മാത്രം നൂറുകണക്കിന് കസബ് പ്രവാസികൾ പ്രത്യേകമായി നാട്ടിലെത്തിയിരുന്നു.

ഒമാനിലെ മുസന്ദം ഗവർണറേറ്റിന്റെ തലസ്ഥാനമായ കസബ് എന്ന ചെറുഗ്രാമത്തിൽ മലയാളി പ്രവാസചരിത്രം ആരംഭിച്ചത് 1973-ലാണ്. അന്ന് ആരംഭിച്ച പ്രവാസ ജീവിതത്തിന്റെ അമ്പത് വർഷത്തിലേറെയായ സൗഹൃദങ്ങളും ഓർമ്മകളും ഒരുമിച്ച് പങ്കുവെച്ച വേദിയായി ഈ കുടുംബ സംഗമം മാറി.

പരിപാടിയുടെ കൺവീനർ ഫാസിൽ മൂസ സ്വാഗതം പറഞ്ഞു. മുഹമ്മദ് അബ്ദുൽ ഖാദിർ അദ്ധ്യക്ഷത വഹിച്ചു. കാസർകോട് എം.എൽ.എ. എൻ.എ. നെല്ലിക്കുന്ന് ചടങ്ങ് ഉദ്ഘാടനം ചെയ്ത് സംസാരിച്ചു. ഹുസൈൻ മൗലവി, വിക്രമൻ, ബുഷ്‌റ ബൈത്താൻ, ബച്ചു റഹ്മാൻ, താജു അബ്ദുറഹിമാൻ, കസബിലെ ഒമാനി പൗരൻ ഉമർ ബത്രാൻ, സലീം, ഇക്ബാൽ, സീതി, സവാദ് മൗലവി എന്നിവർ ആശംസകൾ അറിയിച്ചു.

കസബിലെ പ്രവാസജീവിതത്തിൽ അമ്പത് വർഷം പൂർത്തിയാക്കിയ മലയാളികളെ ചടങ്ങിൽ ആദരിച്ചു. സാമൂഹിക ഉത്തരവാദിത്വത്തിന്റെ ഭാഗമായി അനവധി ജീവകാരുണ്യ പ്രവർത്തനങ്ങൾ നടത്തി വരുന്ന കസബ് പ്രവാസി കൂട്ടായ്മ, പ്രവാസികളുടെ ആവശ്യങ്ങളിൽ എന്നും ഒപ്പം നിൽക്കുന്ന ഒരു ശക്തമായ കൈത്താങ്ങാണെന്ന് ഈ സംഗമം ഒരിക്കൽ കൂടി തെളിയിച്ചു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa