റാസൽഖൈമയിൽകനത്ത കാറ്റും മഴയും; കെട്ടിടത്തിന് മുകളിൽ നിന്ന് കല്ല് വീണ് കൊടിഞ്ഞി സ്വദേശിയായ യുവാവ് മരിച്ചു.
ഇന്ന് പുലർച്ചെയോടെയാണ് അപകടമുണ്ടായത്. മഴയിൽ നിന്ന് രക്ഷനേടാനായി നിർമ്മാണം നടന്നുകൊണ്ടിരിക്കുന്ന ഒരു കെട്ടിടത്തിൽ അഭയം തേടിയതായിരുന്നു സൽമാൻ.
ഈ സമയത്ത് വീശിയടിച്ച ശക്തമായ കാറ്റിൽ കെട്ടിടത്തിന്റെ മുകളിൽ നിന്ന് കല്ല് തെറിച്ചു വീഴുകയും സൽമാന്റെ ദേഹത്ത് പതിക്കുകയുമായിരുന്നു. റാസൽഖൈമയിൽ ഷവർമ കടയിലെ ജീവനക്കാരനായി ജോലി ചെയ്തുവരികയായിരുന്നു സൽമാൻ.
കൊടിഞ്ഞി നന്നമ്പ്ര തലക്കോട്ടു തൊടികയിൽ സുലൈമാന്റെയും അസ്മാബിയുടെയും മകനാണ്.
ഇന്നലെ വൈകുന്നേരം മുതൽ റാസൽഖൈമയുടെ വിവിധ ഭാഗങ്ങളിൽ ശക്തമായ കാറ്റും ആലിപ്പഴ വർഷത്തോടുകൂടിയ മഴയുമാണ് അനുഭവപ്പെടുന്നത്. കനത്ത കാറ്റിൽ നഗരത്തിന്റെ പല ഭാഗങ്ങളിലും വ്യാപകമായ നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്.
*കാലാവസ്ഥാ വ്യതിയാനത്തെത്തുടർന്ന് യു.എ.ഇയിൽ വിവിധയിടങ്ങളിൽ ജാഗ്രതാ നിർദ്ദേശം പുറപ്പെടുവിച്ചിരുന്നു.
സൽമാന്റെ മയ്യിത്ത് റാസൽഖൈമയിലെ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നിയമനടപടികൾ പൂർത്തിയാക്കിയ ശേഷം നാട്ടിലെത്തിക്കാനുള്ള ശ്രമങ്ങൾ നടന്നുവരികയാണെന്ന് ബന്ധുക്കൾ.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments