ഉമ്മൻചാണ്ടി മെമ്മോറിയൽ ട്രോഫി:മൊഗ്രാൽ പുത്തൂരിലെ രണ്ട് ടീമുകൾ ഫൈനലിൽ നേർക്കുനേർ.വിഗാൻസ് കടവത്ത്,യങ് ചലഞ്ചേഴ്സ് കുന്നിലിനെ നേരിടും.

മൊഗ്രാൽ : ഉമ്മൻചാണ്ടി സാംസ്കാരിക സമിതി മൊഗ്രാലിൽ സംഘടിപ്പിച്ച് വരുന്ന ഉമ്മൻചാണ്ടി മെമ്മോറിയൽ ട്രോഫിക്ക് വേണ്ടിയുള്ള ത്രിദിന ഫ്ലഡ് ലൈറ്റ് സെവൻസ് ഫുട്ബോൾ ടൂർണമെന്റിന്റെ  ആവേശകരമായ രണ്ടാം ദിവസം ഡി ഡി പി ഫ്രയ്റ്റ് ആസ്ട്രലേർസ് മാംഗ്ലൂർ എഫ്സിയെ പെനാൽറ്റി ഷൂട്ടൗട്ടിൽ പരാജയപ്പെടുത്തി വിഗാൻസ് മൊഗ്രാൽപുത്തൂർ കടവത്ത് ഫൈനലിൽ പ്രവേശിച്ചു.യങ് ചലഞ്ചേഴ്സ് കുന്നിൽ കളിയുടെ ഒന്നാം ദിവസം തന്നെ ഫൈനൽ പ്രവേശനം ഉറപ്പിച്ചിരുന്നു. 

മൊഗ്രാൽ വൊക്കേഷണൽ ഹയർ സെക്കൻഡറി സ്കൂൾ മൈതാനത്ത് പ്രത്യേകം സജ്ജമാക്കിയ എസ്സാ സ്റ്റേഡിയത്തിൽ നിറഞ്ഞു കവിഞ്ഞ ഫുട്ബോൾ ആരാധകരെ കോരിത്തരിപ്പിച്ച് വീറും, വാശിയും പ്രകടമായ മത്സരമാണ് ഇന്നലെ നടന്നത്.ആദ്യ മത്സരത്തിൽ തന്നെ ഗ്രീൻ സ്റ്റാർ കാടങ്കോടിനെ രണ്ടിനെതിരെ മൂന്നു ഗോളുകൾക്ക് വികാസ് കടവത്ത് തോൽപ്പിച്ചാണ് സെമിയിൽ പ്രവേശിച്ചത്. രണ്ടാം മത്സരത്തിൽ ടീം യൂണിക് ജാലിസ് മേൽപ്പറമ്പിനെ മൂന്നിനെതിരെ ഒരു ഗോളിന് പരാജയപ്പെടുത്തി ഡിഡിപി ഫ്രയ്റ്റ് അസ്ട്രലേഴ്സ് എഫ് സി സെമിയിൽ പ്രവേശിക്കുകയായിരുന്നു.പിന്നീട് നടന്ന സെമിയിൽ വിഗാൻസ് കടവത്ത്,അസ്ട്രലേർസ്  എഫ്സിയെ പെനാൽറ്റി ഷൂട്ടൗട്ടിൽ പരാജയപ്പെടുത്തി ഫൈനലിൽ കളിക്കാൻ ഇടം നേടുകയായിരുന്നു.

 ടൂർണമെന്റിനോടനുബന്ധിച്ച് ഇന്നലെ നടന്ന  സാംസ്കാരിക സദസ്സിൽ സാമൂഹിക പ്രവർത്തകയും, ഉമ്മൻചാണ്ടിയുടെ മകളുമായ ഡോ:മരിയാ ഉമ്മൻ,കെപിസിസി ജനറൽ സെക്രട്ടറി ഹക്കീം കുന്നിൽ, ഗവ: ഓഫ് കർണാടക മിനിമം വേജ് അഡ്വൈസറി ബോർഡ് ചെയർമാൻ ടി എം ഷഹീദ്,ഗവർമെന്റ് ഓഫ് കർണാടക ഹെൽത്ത് കൗൺസിൽ അംഗവും,കൊല്ലൂർ ശ്രീ മുകാംബിക ടെമ്പിൾ ട്രസ്റ്റ് മെമ്പറുമായ അഭിലാഷ് പി വി,ഗവൺമെന്റ് ഓഫ് കർണാടക ലാൻഡ് ട്രിബ്യൂണൽ  അംഗം ഗിരീഷ് ഷെട്ടി,റിട്ടയേഡ് എ എസ് പി ടി പി രഞ്ജിത്ത്,കർണാടക പിസിസി ജനറൽ സെക്രട്ടറി അഡ്വ:കെ മൂസ,പുത്തിഗെ ഗ്രാമപഞ്ചായത്ത് പ്രസിഡണ്ട് ആയിഷ ഫഹീമ ഫിദ,കുമ്പള ഗ്രാമപഞ്ചായത്ത് വൈസ് പ്രസിഡണ്ട് എം ബൽക്കീസ്- ഗഫാർ,മഞ്ചേശ്വരം ബ്ലോക്ക് പഞ്ചായത്ത് വൈസ് പ്രസിഡണ്ട് കമലാക്ഷി,ജില്ലാ പഞ്ചായത്ത് അംഗം അർഷാദ് വൊർക്കാടി, പുത്തിഗെ ബ്ലോക്ക് പഞ്ചായത്ത് അംഗം ജുനൈദ് ഉറുമി, എരിയാൽ ബ്ലോക്ക് പഞ്ചായത്ത് അംഗം സോയ ഇസ്മായിൽ, ഷാനിദ് കയ്യുംകൂടൽ, സലിം പുത്തിഗെ,കാദർ കരിപ്പൊടി തുടങ്ങിയവർ സംബന്ധിച്ചു. ഉമ്മൻചാണ്ടി സാംസ്കാരിക സമിതി മൊഗ്രാൽ യൂണിറ്റ് കമ്മിറ്റി ചെയർമാൻ നാസർ മൊഗ്രാൽ സ്വാഗതം പറഞ്ഞു.

കൺവീനർ ഷക്കീൽ അബ്ദുള്ള,ട്രഷറർ അൻവർ അഹമ്മദ് എസ്,അസീബ് മൊഗ്രാൽ,മറ്റു സമിതി അംഗങ്ങൾ പരിപാടികൾക്ക് നേതൃത്വം നൽകി.ഇന്ന് രാത്രി 8:00 മണിക്കാണ് ഫൈനൽ മത്സരം.

ഫോട്ടോ:ഉമ്മൻചാണ്ടി മെമ്മോറിയൽ ട്രോഫിക്ക് വേണ്ടിയുള്ള ഫുട്ബോൾ ടൂർണമെന്റിൽ ഫൈനലിൽ പ്രവേശിച്ച യങ് ചലഞ്ചേഴ്സ് കുന്നിലും,വിഗാൻസ് കടവത്തും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa