ജില്ലാ പഞ്ചായത്ത് കേരളോത്സവം. സമാപന സമ്മേളനം നടന്നു.

വെള്ളിക്കോത്ത് : രണ്ട് ദിവസങ്ങളിലായി വെള്ളിക്കോത്ത് വിവിധ വേദികളിൽ നടന്നുവന്ന ജില്ലാ കേരളോത്സവത്തിന് സമാപനമായി. സമാപന സമ്മേളനം ജില്ലാ പഞ്ചായത്ത് പ്രസിഡണ്ട് സാബു അബ്രഹാം ഉദ്ഘാടനം ചെയ്തു. കേരളോത്സവ മാനുവലിൽ കാലോചിതമായ മാറ്റങ്ങൾ വരുത്തി കേരളോത്സവത്തെ സ്കൂൾ കലോത്സവം പോലെ എല്ലാവരുടെയും ശ്രദ്ധ ആകർഷിക്കത്തക്ക രീതിയിലുള്ള പരിപാടിയായി മാറ്റുന്നതിന് എല്ലാവരും മുന്നിട്ടിറങ്ങണമെന്ന് അദ്ദേഹം പറഞ്ഞു. വിജയികൾക്കുള്ള സമ്മാന വിതരണവും അദ്ദേഹം നടത്തി.ജില്ലാ പഞ്ചായത്ത് വൈസ് പ്രസിഡണ്ട് കെ. കെ. സോയ അധ്യക്ഷത വഹിച്ചു. കാഞ്ഞങ്ങാട് ബ്ലോക്ക് പഞ്ചായത്ത് വൈസ് പ്രസിഡണ്ട് പി.ഗോവിന്ദൻ, സ്റ്റാൻഡിങ് കമ്മിറ്റി ചെയർപേഴ്സൺ പി. കെ. മഞ്ജിഷ അജാനൂർ പഞ്ചായത്ത് വൈസ് പ്രസിഡണ്ട് മൂലക്കണ്ടംപ്രഭാകരൻ, വെള്ളിക്കോത്ത് മഹാകവി പിസ്മാരക ഗവൺമെന്റ് ഹയർ സെക്കൻഡറി സ്കൂൾ പ്രധാനാധ്യാപിക പ്രേമലത, ജില്ലാ പഞ്ചായത്ത് സെക്രട്ടറി എസ്.ബിജു, യുവജന ക്ഷേമ ബോർഡ് ജില്ലാ പ്രോഗ്രാം ഓഫീസർ സി. പി. ഷിലാസ്, യൂത്ത് കോഡിനേറ്റർ എം.വി.രതീഷ് എന്നിവർ സംസാരിച്ചു. അജാനൂർ പഞ്ചായത്ത് പ്രസിഡണ്ട് വി.വി. തുളസി സ്വാഗതവും പ്രോഗ്രാം കമ്മിറ്റി കൺവീനർ കെ. വി. ജയൻ നന്ദിയും പറഞ്ഞു. കേരളോത്സവത്തിൽ 430 പോയിന്റ് നേടി കാഞ്ഞങ്ങാട് ബ്ലോക്ക് പഞ്ചായത്ത് ഒന്നാം സ്ഥാനവും 292 പോയിന്റ് നേടി കാഞ്ഞങ്ങാട് നഗരസഭ രണ്ടാം സ്ഥാനവും 275 പോയിന്റ് നേടി പരപ്പ ബ്ലോക്ക് പഞ്ചായത്ത് മൂന്നാം സ്ഥാനവും നേടി. 146 പോയിന്റ് നേടി കലാവേദി കാഞ്ഞങ്ങാട് ക്ലബ്ബുകളിൽ ഒന്നാം സ്ഥാനവും 81 പോയിന്റ് നേടി ലക്കി ബ്രദേഴ്സ് മഞ്ചേശ്വരം രണ്ടാം സ്ഥാനവും എ.കെ.ജി പരപ്പ 53 പോയിന്റ് നേടി മൂന്നാം സ്ഥാനവും നേടി. കലാപ്രതിഭ, കലാതിലകം പട്ടങ്ങൾ യഥാക്രമം 24 പോയിന്റ് നേടി പരപ്പ ബ്ലോക്ക് പഞ്ചായത്തിലെ ആർ  നവീനും 36 പോയിന്റ് നേടി കാഞ്ഞങ്ങാട് നഗരസഭയിലെ കെ. നീലാംബരിയും കരസ്ഥമാക്കി.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa