ഓട്ടോറിക്ഷയിലെ ഡാഷ്ബോഡിൽ സൂക്ഷിച്ച സ്വർണ്ണം മോഷണം പോയി:കള്ളൻമാരെ കൈയോടെ പിടികൂടി ഹൊസ്ദുർഗ് പോലീസ്.

കാഞ്ഞങ്ങാട് : മാവുങ്കാലിലെ സ്വകാര്യ ആശുപത്രി കോമ്പൗണ്ടിൽ നിർത്തിയിട്ട ഓട്ടോറിക്ഷയിലെ ഡാഷ്‌ബോഡ് കുത്തിത്തുറന്ന് ഏഴുപവന്റെ സ്വർണവളകൾ മോഷ്‌ടിച്ചയാളെയും കൈമാറി കിട്ടിയ സ്വർണം സൂക്ഷിച്ചയാളെയും മണിക്കൂറുകൾക്കുള്ളിൽ പിടികൂടി ഹോസ്ദുർഗ് പോലീസ്. 

കള്ളാർ ഒക്ലാവിലെ സുബൈർ (23), കാഞ്ഞങ്ങാട് വടകരമുക്കിലെ ആഷിഖ് (28) എന്നിവരെയാണ് ഹൊസ്‌ദുർഗ് പോലീസ് അറസ്റ്റ് ചെയ്തത്. വെള്ളരിക്കുണ്ട് കല്ലഞ്ചിറയിലെ അഷറഫ് ന്റ്റെ നിർത്തിയിട്ടിരുന്ന ഓട്ടോ റിക്ഷയിൽ നിന്നാണ് ഇക്കഴിഞ്ഞ ഒമ്പതാം തീയ്യതി ഉച്ചയ്ക്ക് സ്വർണവളകൾ മോഷ‌ണം പോയത്. വീടിന് അടച്ചുറപ്പില്ലാത്തതിനാൽ വീട്ടിൽ സൂക്ഷിച്ചിരുന്ന സ്വർണവളകളും കൈയിലെടുത്തു ആശുപത്രിയിൽ എത്തി  സ്വർണം ഓട്ടോറിക്ഷയുടെ ഡാഷ് ബോർഡിൽ പൂട്ടി വെച്ച് ആശുപത്രിയിൽ കയറുകയായിരുന്നു. വാഹനം പാർക്ക് ചെയ്തു രണ്ടുമണിക്കൂറിനുശേഷം തിരികെ വന്ന് നോക്കിയപ്പോൾ ഡാഷ്‌ബോർഡ് കുത്തിത്തുറന്ന നിലയിലായിരുന്നു. സ്വർണം നഷ്ട‌പ്പെട്ട വിവരം അഷറഫ് പോലീസിനെയും ആശുപത്രി അധികൃതരെ അറിയിക്കുകയും ചെയ്തു.

ആശുപത്രിയിലെ സിസിടിവി ദൃശ്യങ്ങൾ പരിശോധിച്ചു  അന്വേഷണം വ്യാപകമാക്കിയ പോലീസ് സംഘം അമ്പലത്തറയിൽ വെച്ച് സുബൈർ നെ പിടികൂടുകയായിരുന്നു. ഇയാളുടെ മൊഴിക്ക് പിന്നാലെ കാഞ്ഞങ്ങാട് വടകരമുക്കിലെത്തിയ പോലീസ് കണ്ണൂർ കാസറഗോഡ് ജില്ലകളായി നിരവധി മോഷണം, കഞ്ചാവ്, അടിപിടി കേസ്സുകൾ എന്നിവയിൽ പ്രതിയായ വടകരമുക്കിലെ മുഹമ്മദ് ആഷിക്ക് നെ പിടികൂടുകയും ഇയാളുടെ വീട്ടിൽ സൂക്ഷിച്ച സ്വർണവളകൾ കണ്ടെടുക്കുകയും ചെയ്തു.

ഹോസ്ദുർഗ് പോലീസ് സ്റ്റേഷൻ ഇൻസ്പെക്ടർ ഇ അനൂബ് കുമാറിൻറെ നേത്യത്വത്തിൽ സബ് ഇൻസ്പെക്ടർ എ ആർ ശർങ്ങാധരൻ, അസി. സബ് ഇൻസ്പെക്ടർമാരായ  പി വി സന്തോഷ്, കെ കെ സുഗുണൻ, സീനിയർ സിവിൽ പോലീസ് ഓഫീസർ കെ ടി അനിൽ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa