* ഏണിവെച്ച് രണ്ടാം നിലയില് കയറി കള്ളൻ,**ഉറങ്ങിക്കിടന്ന യുവതിയുടെ കഴുത്തില് നിന്ന് സ്വര്ണ്ണമാല മോഷ്ടിച്ചു.*
ഒരൊറ്റമുണ്ട് കഴുത്തിലൂടെ കെട്ടി, മുഖം മറയ്ക്കാൻ തണുപ്പുകാലത്ത് ഉപയോഗിക്കുന്ന തൊപ്പി ധരിച്ചായിരുന്നു കള്ളന്റെ വരവ്. പുലര്ച്ചെ രണ്ട് മണിയോട് അടുത്ത നേരത്ത് കരുളായി പള്ളിക്കുന്നിലെ പാറക്കല് അഷ്റഫിൻ്റെ വീട്ടിലെത്തിയ കള്ളൻ മുക്കും മൂലയും നടന്ന് നിരീക്ഷിച്ചു.
വീട്ടിനകത്തേക്ക് കയറാൻ താഴെ നിന്ന് വഴിയൊത്തില്ല. കള്ളൻ പക്ഷേ, പോംവഴി കണ്ടെത്തി. തൊട്ടപ്പുറത്ത വീട്ടില് നിന്ന് കോണി കൊണ്ടുവന്നു. രണ്ടാം നിലയിലേക്ക് കയറി. അവിടുത്തെ വാതില് തകര്ത്ത് അകത്ത് കയറി. അലമാരകള് എല്ലാം വലിച്ചിട്ടെന്ന് വീട്ടുകാര് പറയുന്നു. കഴുത്തില് നിന്ന് സ്വര്ണമാല മോഷ്ടിച്ചതിന് പിന്നാലെ യുവതി ബഹളം വെച്ചു.
വീട്ടുകാര് ഉടനെ അയല്വാസികളെ വിളിച്ചു. പക്ഷേ, അപ്പോളേക്കും കള്ളൻ ഓടിരക്ഷപ്പെട്ടു. വൈകാതെ പൊലീസുമെത്തി പരിശോധിച്ചു. കഴിഞ്ഞ കുറച്ച് ദിവസങ്ങളായി സമീപ പ്രദേശങ്ങളായ കുറ്റമ്പാറ, വലമ്പുറം ഭാഗങ്ങളിലും മോഷണം പതിവെന്ന് നാട്ടുകാര് പറഞ്ഞു. പൂക്കോട്ടുപാടം പൊലീസ് അന്വേഷണം തുടങ്ങി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments