*പ്രതിഭ 2K26 ശ്രദ്ധേയമായി നടന്നു*

പഞ്ചാരമൂല : നിറമരുതൂർ ഗ്രാമപഞ്ചായത്ത് വാർഡ് 17 പഞ്ചാരമൂലയുടെ ആഭിമുഖ്യത്തിൽ സംഘടിപ്പിച്ച “പ്രതിഭ 2K26” പരിപാടി ശാന്തിനഗറിലെ സ്വലാഹ് മദ്റസയിൽ വെച്ച് ശ്രദ്ധേയമായി നടന്നു.

എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ച വാർഡിലെ എല്ലാ വിദ്യാർത്ഥികളെയും ചടങ്ങിൽ അനുമോദിക്കുകയും ഉപഹാരങ്ങൾ വിതരണം ചെയ്യുകയും ചെയ്തു. ഉന്നത വിജയം നേടിയ വിദ്യാർത്ഥികൾക്ക് പ്രത്യേക പുരസ്കാരങ്ങളും നൽകി. കൂടാതെ, വാർഡിൽ നിന്ന് ദേശീയതല KHO-KHO മത്സരങ്ങളിൽ പങ്കെടുത്ത രണ്ട് കായികതാരങ്ങളെയും ചടങ്ങിൽ പ്രത്യേകം ആദരിക്കുകയും ഉപഹാരങ്ങൾ നൽകി അനുമോദിക്കുകയും ചെയ്തു.

ദേശീയ വായനാദിനാചരണത്തിന്റെ ഭാഗമായി വായനയുടെ പ്രാധാന്യം ഉയർത്തിക്കാട്ടുന്ന സന്ദേശങ്ങളും പങ്കുവെച്ചു. ജൂൺ 5-ന് ലോക പരിസ്ഥിതി ദിനത്തോടനുബന്ധിച്ച് വാർഡിൽ നടപ്പിലാക്കിയ “ഹരിത പദ്ധതി – ഒരു വീട് ഒരു മരം” പദ്ധതിയുടെ ഭാഗമായി സംഘടിപ്പിച്ച ഫോട്ടോ മത്സരത്തിലെ വിജയികൾക്കുള്ള സമ്മാന വിതരണവും ചടങ്ങിൽ നടന്നു.

നിറമരുതൂർ ഗ്രാമപഞ്ചായത്ത് പ്രസിഡന്റ് ശ്രീമതി കെ. പ്രേമ പരിപാടി ഉദ്ഘാടനം ചെയ്തു. വാർഡ് മെമ്പർ ഫൈസൽ ശാന്തിനഗർ അധ്യക്ഷത വഹിച്ചു. മുൻ മലപ്പുറം ജില്ലാ ലൈബ്രറി കൗൺസിൽ പ്രസിഡന്റും ഇമ്പിച്ചിബാവ ചാരിറ്റബിൾ ആശുപത്രി ചെയർമാനുമായ ശ്രീ എ. ശിവദാസൻ മുഖ്യാതിഥിയായി പങ്കെടുത്തു.

 ശ്രീമതി സൽമ തിരൂർ, ശ്രീ ശ്രീധരൻ തച്ചറക്കൽ, ശ്രീമതി നിഷ എം, ശ്രീമതി നിഷ പി കെ, ശ്രീ കെ പി ഓ റഹ്മത്തുള്ള (മുതിർന്ന മാധ്യമ പ്രവർത്തകൻ),ശ്രീ  ഇ കെ സലീം ബുസ്താനി,  ശ്രീ  റൂഖ്സി ജബനസ് ഖാൻ ,ശ്രീ ഫാദി ആശംസകൾ നേർന്നു.

വിദ്യാഭ്യാസം, വായന, കായികം, പരിസ്ഥിതി സംരക്ഷണം എന്നീ മേഖലകളിലെ മികവുകൾ പ്രോത്സാഹിപ്പിക്കുന്ന തരത്തിൽ സംഘടിപ്പിച്ച പരിപാടിയിൽ രക്ഷിതാക്കളുടെയും നാട്ടുകാരുടെയും സാന്നിധ്യം ശ്രദ്ധേയമായി. വിദ്യാർത്ഥികളുടെ നേട്ടങ്ങളെ അഭിനന്ദിക്കുകയും വായനാശീലവും പരിസ്ഥിതി സംരക്ഷണ ബോധവും വളർത്തേണ്ടതിന്റെ ആവശ്യകത ഊന്നിപ്പറയുകയും ചെയ്ത ചടങ്ങ് വാർഡിലെ സാമൂഹിക-സാംസ്കാരിക പ്രവർത്തനങ്ങൾക്ക് പുതിയ ഊർജ്ജം പകരുന്നതായി മാറി.

“പ്രതിഭ 2K26” വാർഡിലെ വിദ്യാർത്ഥികൾക്കും യുവജനങ്ങൾക്കും പ്രചോദനവും അഭിമാനവുമായ ഒരു വേദിയായി മാറി. 

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa