കാസർഗോഡ്. മൊഗ്രാൽപുത്തൂരിൽ നാഷണൽ ഹൈവേയിൽ മീൻ ലോറി മറിഞ്ഞ് റോഡ് ഗതാഗതം മണിക്കൂറുകളോളം തടസപ്പെട്ടു

മൊഗ്രാൽ : പുത്തൂരിൽ രാത്രി 8 മണിയോട് കൂടി കോഴിക്കോട് നിന്നും മീൻ കയറ്റി മംഗലാപുരം ഉള്ളാളിലെ ഫാക്ട്ടറിയിലേക്ക് പോകുന്ന വണ്ടിയുടെ ടയർ പൊട്ടി നിയന്ത്രണം വിട്ട് റോഡിന് കുറുകെ മറിയുകയായിരുന്നു. ലോറിയിൽ വടകര സ്വദേശിയായ ഡ്രൈവർ വിജിൻ കുമാർ (35)മാത്രമേ ഉണ്ടായിരുന്നുള്ളൂ അപകടത്തിൽ പരിക്കുകൾ കൂടാതെ അത്ഭുതകരമായി രക്ഷപ്പെട്ടു. ഓടിക്കൂടിയനാട്ടുകാർ കാസർഗോഡ് അഗ്നിരക്ഷാസേനയെ വിവരം അറിയിക്കുകയായിരുന്നു .സീനിയർ ഫയർ ആൻഡ് റെസ്ക്യൂ ഓഫീസർ വി എൻ വേണുഗോപാലിൻ്റെ നേതൃത്വത്തിൽ 2 യൂണിറ്റ് വാഹനം സംഭവസ്ഥലത്ത് എത്തി മറിഞ്ഞ ലോറിയിലെ മീൻ മുഴുവനായും മറ്റ് രണ്ടു വണ്ടികളിൽ ആയി മാറ്റിയതിനുശേഷം ആണ് വാഹനം യു. എൽ .സി .സി .യുടെ ക്രെയിൻ ഉപയോഗിച്ച് ഉയർത്താൻ കഴിഞ്ഞത്. നാഷണൽ ഹൈവേയിലൂടെ ഉള്ള വാഹനഗതാഗതം രണ്ടു മണിക്കൂർ നേരത്തേക്ക് അപ്പ്രോച്ച് റോഡിലൂടെ വിടുകയായിരുന്നു. വാഹനം ക്രെയിൻ ഉപയോഗിച്ച് റോഡരികിലേക്ക് മാറ്റിയതിനു ശേഷം  റോഡിലേക്ക് ഒഴുകിയ ഓയിൽ, മീന്റെ അഴുക്ക് വെള്ളം എന്നിവ സോപ്പുപൊടി വിതറി വെള്ളം പമ്പ് ചെയ്ത് വൃത്തിയാക്കുകയും രാത്രി 11 മണിയോടുകൂടി ഗതാഗതം പൂർണമായും പുന:സ്ഥാപിക്കാൻ കഴിഞ്ഞത്. സേനാംഗങ്ങളായ ഇ. പ്രസീദ്, സി.വി . ഷബിൽകുമാർ ,പി. രാജേഷ് ,എസ്. അരുൺകുമാർ, കെ വി ജിതിൻ കൃഷ്ണൻ, ജെ.ബി. ജിജോ, അതുൽ രവി, ഹോം ഗാർഡ് മാരായ പി .വി . രഞ്ജിത്ത്, കെ. സുമേഷ് എന്നിവരും സംഘത്തിൽ ഉണ്ടായിരുന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa