പാലാ : പാലാ നഗരസഭയില് ഏത് മുന്നണിയെ പിന്തുണയ്ക്കണമെന്ന് പുളിക്കക്കണ്ടം കുടുംബം തീരുമാനിച്ചു. യുഡിഎഫിനു പിന്തുണ നല്കാനാണ് തീരുമാനം. എല്ഡിഎഫിനും യുഡിഎഫിനും തനിച്ചു ഭരിക്കാന് ഭൂരിപക്ഷമില്ലാത്ത പാലാ നഗരസഭയില് മൂന്നു സ്വതന്ത്രര് വിജയിച്ച പുളിക്കക്കണ്ടം കുടുംബത്തിന്റെ തീരുമാനം നിര്ണായകമായിരുന്നു. ബിനു പുളിക്കക്കണ്ടവും മകള് ദിയയും സഹോദരന് ബിജുവുമാണ് ഒരു കുടുംബത്തില്നിന്ന് സ്വതന്ത്രരായി മത്സരിച്ചു വിജയിച്ചത്. 26 അംഗ പാലാ നഗരസഭയില് എല്ഡിഎഫ് 12, യുഡിഎഫ് 10 എന്നിങ്ങനെയാണ് കക്ഷിനില. വിജയിച്ച നാല് പേര് സ്വതന്ത്രരായിരുന്നു. ആദ്യ രണ്ടുവര്ഷം 21 വയസുകാരിയായ ദിയ പുളിക്കക്കണ്ടത്തിനു ചെയര്പഴ്സന് സ്ഥാനം നല്കിയാണ് യുഡിഎഫ് പിന്തുണ ഉറപ്പാക്കിയത്. കോണ്ഗ്രസ് വിമത സ്ഥാനാര്ഥിയായി മത്സരിച്ചു ജയിച്ച മായ രാഹുലും യുഡിഎഫിനെ പിന്തുണയ്ക്കും. മായ വൈസ് ചെയര്പഴ്സനാവും. ഇതോടെ പാലാ നഗരസഭയുടെ ചരിത്രത്തില് ആദ്യമായി കേരള കോണ്ഗ്രസ് (എം) പ്രതിപക്ഷ സ്ഥാനത്തെത്തി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments