കാസർകോട്ട് യുവാവിനെ തട്ടിക്കൊണ്ടു പോയ കേസ്; പ്രതിയുടെ വീട്ടിൽ വൻ കള്ളനോട്ട് ശേഖരവും നോട്ടെണ്ണൽ യന്ത്രവും കണ്ടെത്തി.

കാസർകോട് : കാസർകോട് നഗരത്തിൽ നിന്നു പട്ടാപ്പകൽ യുവാവിനെ കാറിൽ തട്ടിക്കൊണ്ടു പോയ കേസിലെ പ്രതിയുടെ വീട്ടിൽ പൊലീസ് നടത്തിയ റെയ്‌ഡിൽ വൻ കള്ളനോട്ട് ശേഖരവും നോട്ടെണ്ണുന്ന യന്ത്രവും കണ്ടെത്തി. 

ചട്ടഞ്ചാൽ ബെണ്ടിച്ചാലിലെ കെ. വിജയ (55)ൻ്റെ ചെർക്കള, കോലാച്ചിയടുക്കത്തുള്ള വീട്ടിലെ ഷെഡിൽ സൂക്ഷിച്ച നിലയിലാണ് കള്ളനോട്ടുകൾ കണ്ടെത്തിയത്. 2000 രൂപയുടെ 2500 കള്ളനോട്ടുകളും 1000 രൂപയുടെ 50 കള്ളനോട്ടുകളുമാണ് പിടികൂടിയത്. ഇതോടൊപ്പം പിൻവലിച്ച 500 രൂപയുടെ നിലവിലില്ലാത്ത 100 നോട്ടുകളും ആണ് പിടികൂടിയത്. 

ഇടപാടുകാർക്ക് നൽകുന്നതിനായി കെട്ടുകളാക്കിയ നിലയിലായിരുന്നു നോട്ടുകൾ സൂക്ഷിച്ചിരുന്നത്. കേസിൽ റിമാൻ്റിൽ കഴിയുന്ന പ്രതികളെ കൂടുതൽ അന്വേഷണത്തിനായി കാസർകോട് ടൗൺ പൊലീസ് കസ്റ്റഡിയിൽ വാങ്ങിയിരുന്നു. ചോദ്യം ചെയ്യലിനിടയിലാണ് വിജയൻ്റെ വീട്ടിൽ കള്ളനോട്ട് ശേഖരം ഉള്ളതായി പൊലീസിനു വിവരം ലഭിച്ചത്.

ഇതിൻ്റെ അടിസ്ഥാനത്തിൽ ടൗൺ എസ്ഐ കെ രാജീവൻ്റെ നേതൃത്വത്തിൽ നടത്തിയ പരിശോധനയിലാണ് കള്ളനോട്ടുകളും നോട്ടെണ്ണുന്ന യന്ത്രവും കണ്ടെത്തിയത്. നിരോധിത നോട്ട് ഇടപാടുമായി ബന്ധപ്പെട്ട പ്രശ്‌നത്തിന്റെ പേരിലാണ് മുഹമ്മദ് ഹനീഫയെ തട്ടിക്കൊണ്ടു പോയത്. സംഭവത്തിൽ രണ്ടു കേസുകൾ രജിസ്റ്റർ ചെയ്‌ത പൊലീസ് എട്ടുപേരെ അറസ്റ്റു ചെയ്‌തിരുന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa