ക്രിമിനല് കേസുകളില് പ്രതികള്ക്ക് ജാമ്യം നല്കുന്നതില് ഹൈക്കോടതികള്ക്ക് പുതിയ നിർദ്ദേശം മുന്നോട്ടു വെച്ച് സുപ്രീം കോടതി. ക്രിമിനല് പശ്ചാത്തലവും കുറ്റത്തിന്റെ തീവ്രതയും പരിഗണിച്ചുവേണം ഹൈക്കോടതികള് ജാമ്യം നല്കേണ്ടത് എന്ന് സുപ്രീംകോടതി വ്യക്തമാക്കി. ഹൈക്കോടതിയുടെ ഉത്തരവ് റദ്ദാക്കി കൊണ്ടാണ് സുപ്രീം കോടതിയുടെ സുപ്രധാന നിർദ്ദേശം. സ്ഥിരം കുറ്റവാളികള്ക്ക് എളുപ്പത്തില് ജാമ്യം കിട്ടുന്ന സ്ഥിതി ഉണ്ടാകരുത് എന്ന നിരീക്ഷണത്തോടെയാണ് സുപ്രീംകോടതി സുപ്രധാന നിർദേശം പുറപ്പെടുവിച്ചത്. ക്രിമിനല് കേസുകളില് പ്രതികളായവരുടെ ജാമ്യാപേക്ഷ പരിഗണിക്കുമ്പോള് പ്രധാനമായും രണ്ട് കാര്യങ്ങള് കണക്കിലെടുക്കണമെന്ന് സുപ്രീംകോടതി നിർദ്ദേശിച്ചു. ആദ്യത്തേത് പ്രതികളുടെ ക്രിമിനല് പശ്ചാത്തലം പരിശോധിക്കുക എന്നതാണ്. സ്ഥിരം കുറ്റവാളികള് ആണെങ്കില് ജാമ്യം നിഷേധിക്കാം. കുറ്റത്തിന്റെ തീവ്രതയാണ് രണ്ടാമതായി പരിശോധിക്കേണ്ടത്. മുൻപ് കുറ്റം ചെയ്തിട്ടില്ലാത്തവരാണെങ്കിലും ക്രൂരകൃത്യങ്ങളില് ഏർപ്പെടുന്നവർക്ക് ജാമ്യം നല്കുന്നത് ശ്രദ്ധിച്ചു വേണമെന്നും സുപ്രീം കോടതി നിർദ്ദേശിച്ചു. ജയിലല്ല ജാമ്യമാണ് പ്രധാനമെന്ന് മുൻപ് പലതവണ കോടതി ഉത്തരവ് നൽകിയിരുന്നു. എന്നാല് പ്രതികളുടെ ക്രിമിനല് പശ്ചാത്തലവും കുറ്റത്തിന്റെ തീവ്രതയും അവഗണിക്കാനാവില്ലെന്ന് ജസ്റ്റിസുമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ച് പറഞ്ഞു. കൊടുംകുറ്റവാളികളായ അഞ്ച് പ്രതികള്ക്ക് ഹൈക്കോടതി നല്കിയ ജാമ്യം റദ്ദാക്കിക്കൊണ്ടാണ് സുപ്രീംകോടതി ഉത്തരവ് പുറപ്പെടുവിച്ചത്. ഇവർ സ്ഥിരം കുറ്റവാളികള് ആണെന്നും ഇവർക്കെതിരെ നിരവധി കേസുകളും നിലനില്ക്കുന്നുണ്ടെന്നും പ്രതികളുടെ ക്രിമിനല് പശ്ചാത്തലം പരിശോധിക്കാതെയാണ് ഹൈക്കോടതി നടപടി എന്നും സുപ്രീംകോടതി നിരീക്ഷിച്ചു. ആയുധങ്ങളുമായി ആസൂത്രിതമായി കൊലപാതകം നടത്തുന്നവർ പുറത്തു നിന്നാല് ഇത് ആവർത്തിക്കും. *ജാമ്യത്തിനുള്ള അവകാശം കൊടും കുറ്റവാളികള്ക്കില്ല എന്ന കാര്യം പരമോന്നത കോടതി ഒരിക്കല് കൂടി ഈ നിലപാടിലൂടെ ഓർമ്മിപ്പിക്കുകയാണ്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments