പുല്ലൂർ: കാഞ്ഞങ്ങാട് ജില്ലാ ആശുപത്രിയിലെ സഞ്ചരിക്കുന്ന നേത്ര വിഭാഗത്തിന്റെയും പെരിയ ബ്ലോക്ക് കുടുംബാരോഗ്യ കേന്ദ്രത്തിന്റെയും നേതൃത്വത്തിൽ പെരളം റെഡ് യങ്സ് ആർട്സ് ആൻഡ് സ്പോർട്സ് ക്ലബ്ബിന്റെ സഹകരണത്തോടെ സൗജന്യ നേത്ര, ദന്ത പരിശോധന ക്യാമ്പ് നടന്നു. കാഞ്ഞങ്ങാട് ജില്ലാ ആശുപത്രി ഒഫ്താൽ മോളജി ജൂനിയർ കൺസൾട്ടന്റ് ഡോക്ടർ എസ്. അപർണ, പെരിയ ബ്ലോക്ക് കുടുംബാരോഗ്യ കേന്ദ്രം അസിസ്റ്റന്റ് ഡെന്റൽ സർജൻ ഡോക്ടർ കെ. പി. വിജിൻ, എന്നിവർ പരിപാടി വിശദീകരിച്ച് സംസാരിച്ചു. പെരിയ കുടുംബാരോഗ്യ കേന്ദ്രം ഹെൽത്ത് ഇൻസ്പെക്ടർ എം. വി. അശോകൻ അധ്യക്ഷത വഹിച്ചു. പെരളം റെഡ് യങ്സ് ക്ലബ്ബ് ഖജാൻജി പി കുഞ്ഞിക്കേളു സ്വാഗതം പറഞ്ഞു.ജില്ലാ ഒഫ്താൽമിക്ക് കോഡിനേറ്റർ പി. കവിത, ഒപ്റ്റോമെട്രിസ്റ്റ് എസ് വർഷ, ഡെന്റൽ അസിസ്റ്റന്റ് എം. പ്രജിത, ഒപ്റ്റോ മെട്രിസ്റ്റ് വി.കെ. നമിത, ജൂനിയർ ഹെൽത്ത് ഇൻസ്പെക്ടർ സി. കെ. നിതുൻ ലാൽ, ജൂനിയർ പബ്ലിക് ഹെൽത്ത് നേഴ്സ് പി. കെ. ആര്യ, എം. എൽ. എസ്. പി സിന്ധു. ടി. നാരായണൻ, ആശാവർക്കർമാരായ ടി. ബിന്ദു, ടി.ലത, മുൻ പഞ്ചായത്ത് മെമ്പർ എം. വി. നാരായണൻ പെരളം റെഡ് യങ്സ് ക്ലബ്ബ് സെക്രട്ടറി ടി. മനുഷ്, എക്സിക്യൂട്ടീവ് മെമ്പർ പി. കുഞ്ഞി കണ്ണൻ എന്നിവർ നേതൃത്വം നൽകി. ക്യാമ്പിൽ നിരവധി ആളുകൾ പങ്കെടുത്തു.
No comments