*വീട്ടില് പോയി ചോദിക്ക്' പരാമര്ശം തിരിച്ചടിയായി; ഡിവൈഎഫ്ഐ പത്തനംതിട്ട ജില്ലാ സമ്മേളനത്തില് വിമര്ശനം*
പത്തനംതിട്ട : ഡിവൈഎഫ്ഐ പത്തനംതിട്ട ജില്ലാ സമ്മേളനത്തില് മുന്മുഖ്യമന്ത്രി പിണറായി വിജയന് വിമര്ശനം. വീട്ടില് പോയി ചോദിക്ക് പരാമര്ശം തിരിച്ചടിയായെന്നും ഇത് ശരിയായ ശൈലിയല്ലെന്നും തിരുവല്ലയില് നിന്നുള്ള പ്രതിനിധി കുറ്റപ്പെടുത്തി. പത്തനംതിട്ട ജില്ലാ സമ്മേളനത്തിന്റെ ഭാഗമായുള്ള പ്രതിനിധി സമ്മേളനത്തിലാണ് പ്രതിപക്ഷ നേതാവ് പിണറായി വിജയനെതിരെ വിമര്ശനം ഉയര്ന്നത്. പിണറായിയെ വിമര്ശിച്ചതുകൊണ്ട് ഡിവൈഎഫ്ഐയില് നിന്ന് തന്നോട് കടക്ക് പുറത്തെന്ന് പറയരുതെന്നും പ്രതിനിധി സമ്മേളനത്തില് പ്രതികരിച്ചു.
തെരഞ്ഞെടുപ്പിലേറ്റ കനത്ത തിരിച്ചടിയില് പ്രതികരണവുമായി സിപിഐഎം ജനറല് സെക്രട്ടറി എം എ ബേബിയും മുന് മന്ത്രി പി രാജീവും അടക്കം കഴിഞ്ഞ ദിവസം രംഗത്തെത്തിയിരുന്നു. മലപ്പുറത്ത് നടന്ന ഇഎംഎസിന്റെ ലോകം സെമിനാറില് സംസാരിക്കവെയായിരുന്നു ഇരുവരുടെയും വിമര്ശനം. എല്ഡിഎഫ് അല്ലാതെ മറ്റാരുണ്ടെന്ന് പരാമര്ശം ശരിയായില്ലെന്ന് പറഞ്ഞ പി രാജീവ്, ജനങ്ങള്ക്കിടയില് ഇത് മറ്റൊരു ബോധം സൃഷ്ടിച്ചെന്നും കുറ്റപ്പെടുത്തി. വെള്ളാപ്പള്ളി നടേശനുമായി ബന്ധപ്പെട്ട വിഷയത്തില് തെറ്റുപറ്റി. ശക്തമായ നടപടി സ്വീകരിച്ചില്ല. ശബരിമല സ്വര്ണക്കൊള്ളയില് നടപടി എടുക്കണമായിരുന്നുവെന്നും പി രാജീവ് പറഞ്ഞിരുന്നു.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments