*എന് ശേഷാദ്രിനാഥന് സംസ്ഥാന തിരഞ്ഞെടുപ്പ് കമ്മീഷണര്; ഗവര്ണര് ഒപ്പുവച്ചു*
തിരുവനന്തപുരം : സംസ്ഥാന തിരഞ്ഞെടുപ്പ് കമ്മീഷറായി എന് ശേഷാദ്രിനാഥന്റെ നിയമനത്തിന് ഗവര്ണര് അംഗീകാരം നല്കി. നിയമന ഉത്തരവില് ഗവര്ണര് ഒപ്പിട്ടു. എന് ശേഷാദ്രിനാഥനെ സംസ്ഥാന തിരഞ്ഞെടുപ്പ് കമ്മീഷണറായി നേരത്തെ സംസ്ഥാന സര്ക്കാര് ശുപാര്ശ ചെയ്തിരുന്നു. തദ്ദേശ സ്വയംഭരണ വകുപ്പ് മന്ത്രി കെ എം ഷാജി സമര്പ്പിച്ച ശുപാര്ശയില് മുഖ്യമന്ത്രിയുടെ നേതൃത്വത്തിലുള്ള മന്ത്രിസഭായോഗമാണ് അന്തിമ തീരുമാനമെടുത്തത്. ശേഷാദ്രിനാഥിന്റെ നിയമനശുപാര്ശയില് കോണ്ഗ്രസില് അഭിപ്രായ ഭിന്നത ശക്തമായിരിക്കുന്ന സാഹചര്യത്തിലാണ് സര്ക്കാരിന്റെ ശുപാര്ശ ഗവര്ണര് അംഗീകരിച്ചിരിക്കുന്നത്. എന് ശേഷാദ്രിനാഥനെതിരേ കെപിസിസി ജനറല് സെക്രട്ടറി പി എം നിയാസാണ് ആദ്യം രംഗത്തെത്തിയത്. ശേഷാദ്രിനാഥന്റെ നിയമനം പുനഃപരിശോധിക്കണമെന്നും തീരുമാനം പാര്ട്ടി പ്രവര്ത്തകരുടെ മനോവീര്യം തകര്ക്കുന്നതാണെന്നും പി എം നിയാസ് പറഞ്ഞിരുന്നു. വിഷയത്തില് ഹൈക്കമാന്റ് ഇടപെടുകയും നിയമന ശുപാര്ശക്കെതിരേയുള്ള പരാതികള് പരിശോധിക്കാന് മുഖ്യമന്ത്രി വി ഡി സതീശന് നിര്ദേശം നല്കുകയും ചെയ്തിരുന്നു. ശേഷാദ്രിനാഥന്റെ സംഘപരിവാര് പശ്ചാത്തലം ഉള്പ്പെടെ പരിശോധിക്കാനാണ് ഹൈക്കമാന്റ് നിര്ദേശം നല്കിയത്. കൂടിയാലോചന നടത്താതെയുള്ള നിയമനത്തില് കോണ്ഗ്രസ് നേതാക്കള്ക്കിടയില് അതൃപ്തി ഉയര്ന്നതോടെയായിരുന്നു നീക്കം. നിയമന ശുപാര്ശക്കെതിരേ കോണ്ഗ്രസില് നിന്നും യൂത്ത് കോണ്ഗ്രസില് നിന്നുമടക്കം എതിര്പ്പ് ഉയര്ന്ന പശ്ചാത്തലത്തില് എഐസിസി ജനറല് സെക്രട്ടറി ദീപാദാസ് മുന്ഷി മുഖ്യമന്ത്രി വി ഡി സതീശനുമായി സംസാരിച്ചിരുന്നു. പാര്ട്ടി നേതൃത്വവുമായി ചര്ച്ച നടത്തണമെന്ന നിര്ദേശത്തിന്റെ അടിസ്ഥാനത്തില് മുഖ്യമന്ത്രി മന്ത്രിമാരുമായി ഇക്കാര്യം സംസാരിച്ചു. മന്ത്രിമാരായ പി കെ കുഞ്ഞാലിക്കുട്ടി, രമേശ് ചെന്നിത്തല എന്നിവരുമായി ചര്ച്ച നടത്തുകയും സണ്ണി ജോസഫ്, കെ എം ഷാജി എന്നിവരുമായി കൂടിയാലോചിക്കുകയും ചെയ്തിരുന്നു
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments