*എൻഡോസൾഫാൻ ദുരിതബാധിതയായ ഹസീനയ്ക്ക് വിട; ഒരു മാസത്തിനിടെ മൂന്ന് മരണം.*

കാസർകോട് : എൻഡോസൾഫാൻ ദുരിതബാധിതയായ കല്ലക്കട്ട ചിത്താരിക്കുന്നിലെ ഷെക്ഹസീന (37) അന്തരിച്ചു. ജന്മനാ കിടപ്പിലായിരുന്ന ഹസീനയെ അർബുദം ബാധിക്കുകയും അസുഖം മൂർച്ഛിച്ചതിനെ തുടർന്ന് മരണംസംഭവിക്കുകയുമായിരുന്നു.

കല്ലക്കട്ട ചിത്താരിക്കുന്നിൽ കരീം-ബൽക്കീസ് ദമ്പതികളുടെ മകളാണ്. സഹോദരൻ അഷറഫ്. ജന്മനാ ബുദ്ധിപരമായ വെല്ലുവിളി നേരിട്ടിരുന്ന ഹസീന വർഷങ്ങളായി കിടപ്പിലായിരുന്നു. ഇതിനിടെയാണ് അർബുദം ബാധിച്ചത്. ചികിത്സയിലിരിക്കെ അസുഖം മൂർച്ഛിക്കുകയും മരണംസംഭവിക്കുകയുമായിരുന്നു.

ഹസീനയുടെ ദുരിതജീവിതത്തിന് തണലേകാൻ സിനിമാതാരം സുരേഷ് ഗോപി വീട് നിർമിച്ചു നൽകിയിരുന്നു. കാഞ്ഞങ്ങാട് നെഹ്റു കോളേജ് സാഹിത്യവേദിയുടെ ഭവനനിർമാണ പദ്ധതിയിൽ ഉൾപ്പെടുത്തിയാണ് ഹസീനയ്ക്ക് വീട് നിർമിച്ച് നൽകിയത്. 

ജന്മനാ കിടപ്പിലായിരുന്ന ഹസീനയ്ക്ക് സുരക്ഷിതമായൊരു വീട് ലഭിച്ചത് കുടുംബത്തിന് വലിയ ആശ്വാസമായിരുന്നു.

എൻഡോസൾഫാൻ ദുരിതബാധിതരുടെ ജീവിതത്തിലെ വേദനകൾക്കിടയിലാണ് ഹസീനയുടെ മരണം. 

ഒരു മാസത്തിനിടെ എൻഡോസൾഫാൻ ദുരിതബാധിതരായ മൂന്ന് പേരാണ് കാസർകോട് ജില്ലയിൽ മരിച്ചത്. ചെരളടുക്കയിലെ ഉദ്ദേശ്, കല്ലുരാവിയിലെ സാനിയ, കല്ലക്കട്ടയിലെ ഹസീന എന്നിവരാണ് അടുത്തിടെ മരണപ്പെട്ടത്.

മൂന്നുപേരും ജന്മനാ കിടപ്പിലായിരുന്നവരായിരുന്നു. എൻഡോസൾഫാൻ ദുരിതബാധിതരുടെ ആരോഗ്യപ്രശ്നങ്ങളും ജീവിതദുരിതങ്ങളും വീണ്ടും ചർച്ചയാക്കുന്നതാണ് തുടർച്ചയായ മരണങ്ങൾ. വർഷങ്ങളായി ചികിത്സയും പരിചരണവും ആശ്രയിച്ച് കഴിയുന്ന ദുരിതബാധിത കുടുംബങ്ങൾക്ക് ഇത്തരം മരണങ്ങൾ തീരാനഷ്ടവും വലിയ വേദനയുമാണ് സമ്മാനിക്കുന്നത്.

ഹസീനയുടെ മരണം എൻഡോസൾഫാൻ ദുരിതബാധിതരുടെ പുനരധിവാസവും തുടർ ചിക്ൽസയും പരിചരണവും കൂടുതൽ ഗൗരവത്തോടെ പരാഗണിക്കേണ്ടതിൻ്റെ ആവശ്യകതയുംഉയർത്തുന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa