*എസ്ഐആറിൽ ഏറ്റവും കൂടുതൽ പേർ പുറത്തായ 70%മുസ്ലിങ്ങളുള്ള മുർഷിദാബാദിൽ ബിജെപിക്ക് വൻ ഭൂരിപക്ഷത്തിൽ വിജയം,ആകെ 772 വോട്ടുള്ള 109-ാം ബൂത്തിൽ ബിജെപിക്ക് 909 വോട്ട് കിട്ടി*

ബംഗാളിലും അസമിലും നടന്ന നിയമസഭാ ഉപതിരഞ്ഞെടുപ്പുകളിൽ ഭരണകക്ഷിയായ ബിജെപിക്ക് വൻ മുന്നേറ്റവും ചരിത്രവിജയവും. ബംഗാളിലെ രാഷ്ട്രീയ പ്രാധാന്യമുള്ള നന്ദിഗ്രാമിൽ (Nandigram) ബി.ജെ.പി സ്ഥാനാർത്ഥി ഹസിറാണി രഥ് (Hasirani Rath) 1,22,753 വോട്ടുകളുടെ കൂറ്റൻ ഭൂരിപക്ഷത്തിലേക്ക് കുതിച്ചു. 70 ശതമാനത്തോളം മുസ്‍ലിം വോട്ടർമാരുള്ള മുർഷിദാബാദിലെ റെജിനഗർ (Rejinagar) മണ്ഡലത്തിൽ ബി.ജെ.പി 72,744 വോട്ടുകളുടെ ലീഡ് നേടി,

 ഒപ്പം അസമിലെ നാഗോൺ (Nagaon) മണ്ഡലത്തിൽ 1,53,258 വോട്ടുകളുടെ ഭൂരിപക്ഷത്തോടെ ബി.ജെ.പി വിജയം ഉറപ്പിച്ചു.

വോട്ടുകൊള്ളയുടെ കൂടുതൽ തെളിവുകൾ പുറത്തുവിട്ട് തൃണമൂൽ കോൺഗ്രസ്. ഉപതെരഞ്ഞെടുപ്പ് നടന്ന 70 ശതമാനത്തോളം മുസ്‍ലിം വോട്ടർമാരുള്ള മുർഷിദാബാദിലെ റജിനഗറിൽ വോട്ടുകൊള്ള നടന്നുവെന്നാണ് തൃണമൂൽ കോൺഗ്രസ് നേതാവ് അഭിഷേക് ബാനർജി ആരോപിക്കുന്നത്.

റജിനഗറിലെ 109-ാം ബൂത്തിൽ രജിസ്റ്റർ ചെയ്ത വോട്ടർമാരുടെ ആകെ എണ്ണം 772 ആണെന്നും എന്നാൽ ഇവിടെ ബിജെപിക്ക് 909 വോട്ടുകൾ ലഭിച്ചെന്നാണ് റിപ്പോർട്ടെന്നും അഭിഷേക് ബാനർജി എക്സിൽ കുറിച്ചു. ഈ തെരഞ്ഞെടുപ്പ് കണക്ക് വിശദീകരിക്കാൻ ഉത്തരകൊറിയ പോലും ബുദ്ധിമുട്ടുമെന്നും അദ്ദേഹം പരിഹസിച്ചു. ഒരു ബൂത്തിൽ നിന്ന് ഒരു പാർട്ടിക്ക് മുഴുവൻ വോട്ടർമാരേക്കാളും കൂടുതൽ വോട്ടുകൾ എങ്ങനെ ലഭിക്കുമെന്നും അഭിഷേക് ബാനർജി മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനോടായി ചോദിച്ചു.

നന്ദിഗ്രാമിൽ തൃണമൂൽ കോൺഗ്രസിന്റെ പിന്തുണയോടെ മത്സരിച്ച കോൺഗ്രസ് സ്ഥാനാർത്ഥി മിലൻ പ്രധാനെയും ഇടതുമുന്നണിയെയും ബഹുദൂരം പിന്നിലാക്കിയാണ് ഹസിറാണി രഥ് കുതിക്കുന്നത്. 2026 നിയമസഭാ തിരഞ്ഞെടുപ്പിൽ സുവേന്ദു അധികാരി നേടിയ ഭൂരിപക്ഷത്തെയും കടത്തിവെട്ടുന്ന പ്രകടനമാണ് ഹസിറാണി കാഴ്ചവെച്ചത്. 

ന്യൂനപക്ഷ സ്വാധീനമേഖലയായ റെജിനഗറിൽ ബി.ജെ.പി സ്ഥാനാർത്ഥി ശങ്കരവ് സർക്കാർ നേടിയ 72,744 വോട്ടിന്റെ ലീഡ് ബംഗാൾ രാഷ്ട്രീയത്തിൽ വൻ മാറ്റങ്ങൾ കുറിക്കുന്നതാണ്. എ.ജെ.യു.പി (AJUP), കോൺഗ്രസ്, തൃണമൂൽ കോൺഗ്രസ് സ്ഥാനാർത്ഥികളെ പൂർണ്ണമായി നിഷ്പ്രഭമാക്കിയാണ് ബി.ജെ.പി റെജിനഗർ പിടിച്ചെടുത്തത്.

അസമിലെ നാഗോണിൽ 1,53,258 വോട്ടുകളുടെ ബഹുദൂര ലീഡോടെ ബി.ജെ.പി സ്ഥാനാർത്ഥി വിജയം സ്വന്തമാക്കി. ബംഗാളിൽ പ്രതിപക്ഷ വോട്ടുകൾ ഭിന്നിച്ചതും തൃണമൂൽ കോൺഗ്രസിലെ ആഭ്യന്തര ഭിന്നതകളും ബി.ജെ.പിക്ക് വലിയ രീതിയിൽ ഗുണം ചെയ്തതായാണ് വോട്ടെണ്ണൽ കണക്കുകൾ വ്യക്തമാക്കുന്നത്. ഔദ്യോഗിക വോട്ടെണ്ണൽ നടപടികൾ പൂർത്തിയാകുന്നതോടെ കേന്ദ്ര തിരഞ്ഞെടുപ്പ് കമ്മീഷൻ അന്തിമ ഫലം പ്രഖ്യാപിക്കും.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa