ജർമനിയിലെ ഫ്രാങ്ക്ഫർട്ടിൽ നടക്കുന്ന *ലോകപ്രശസ്ത പുസ്തകമേളയിൽ പ്രദർശനത്തിനെത്തി മലയാളി സൈക്കോളജിസ്റ്റും ഗവേഷകനുമായ സുമേഷ് സുകുമാരന്റെ ‘The Invisible Psychology of Being Human’*

മലയാളി കൺസൾട്ടന്റ് സൈക്കോളജിസ്റ്റും ഗവേഷകനും എഴുത്തുകാരനുമായ സുമേഷ് സുകുമാരന്റെ ആദ്യ ഇംഗ്ലീഷ് മനഃശാസ്ത്ര പുസ്തകം The Invisible Psychology of Being Human: How Ordinary Behaviors Shape Extraordinary Lives ജർമനിയിലെ ഫ്രാങ്ക്ഫർട്ടിൽ നടക്കുന്ന Frankfurt Book Fair 2026-ൽ പ്രദർശനത്തിനെത്തി. ഒക്ടോബർ 7 മുതൽ 11 വരെയാണ് ലോക പ്രസാധന-സാഹിത്യ രംഗത്തെ പ്രമുഖർ പങ്കെടുക്കുന്ന അന്താരാഷ്ട്ര പുസ്തകമേള നടക്കുന്നത്.

മനുഷ്യരുടെ ജീവിതത്തെ രൂപപ്പെടുത്തുന്ന, പലപ്പോഴും ശ്രദ്ധിക്കപ്പെടാതെ പോകുന്ന മനഃശാസ്ത്രപരമായ ഘടകങ്ങളാണ് പുസ്തകത്തിന്റെ പ്രധാന പ്രമേയം. ദിവസേനയുള്ള ശീലങ്ങൾ, ചിന്തകൾ, വികാരങ്ങൾ, ബന്ധങ്ങൾ, ശ്രദ്ധ, പ്രതിരോധശേഷി, സ്വയം നിയന്ത്രണം, ജീവിതസംതൃപ്തി തുടങ്ങിയ വിഷയങ്ങളെ സാധാരണ വായനക്കാർക്കും മനസ്സിലാകുന്ന ലളിതമായ മനഃശാസ്ത്ര കാഴ്ചപ്പാടിലൂടെയാണ് പുസ്തകം അവതരിപ്പിക്കുന്നത്.

സൈക്കോളജിസ്റ്റായി പ്രവർത്തിക്കുന്നതിനൊപ്പം മനുഷ്യരുടെ പെരുമാറ്റം, ചിന്താരീതികൾ, ദൈനംദിന ജീവിതരീതികൾ, കരിയർ-ജീവിത സംതൃപ്തി തുടങ്ങിയ മേഖലകളിൽ ഗവേഷണം നടത്തുന്ന സുമേഷ്, അന്താരാഷ്ട്ര അക്കാദമിക്-മനഃശാസ്ത്ര വേദികളിലും തന്റെ ഗവേഷണ പ്രവർത്തനങ്ങൾ അവതരിപ്പിച്ചിട്ടുണ്ട്. പ്രായോഗിക മനഃശാസ്ത്ര അനുഭവവും ഗവേഷണ പശ്ചാത്തലവും സാധാരണ മനുഷ്യരുടെ ദൈനംദിന ജീവിതവുമായി ബന്ധിപ്പിച്ചാണ് പുസ്തകം രൂപപ്പെടുത്തിയിരിക്കുന്നത്.

Nu Voice Press പ്രസിദ്ധീകരിച്ച പുസ്തകത്തിന്റെ ഇന്ത്യൻ ഉപഭൂഖണ്ഡത്തിലെ വിതരണച്ചുമതല പ്രമുഖ പ്രസാധന-വിതരണ സ്ഥാപനമായ Penguin Random House India ആണ് ഏറ്റെടുത്തിരിക്കുന്നത്. ഈ മാസം അവസാനത്തോടെ പുസ്തകം ഇന്ത്യൻ വിപണിയിലെത്തിക്കുന്നതിനും Amazon, Flipkart ഉൾപ്പെടെയുള്ള ഓൺലൈൻ പ്ലാറ്റ്‌ഫോമുകളിൽ ലഭ്യമാക്കുന്നതിനുമുള്ള നടപടികൾ പുരോഗമിക്കുകയാണ്. തുടർന്ന് Amazon.com ഉൾപ്പെടെയുള്ള അന്താരാഷ്ട്ര ഓൺലൈൻ വിപണികളിലേക്കും പുസ്തകത്തിന്റെ ലഭ്യത വ്യാപിപ്പിക്കാനാണ് പ്രസാധകരുടെ പദ്ധതി.

പ്രസാധകർ അറിയിച്ചതനുസരിച്ച്, പുസ്തകത്തിന്റെ ഫിസിക്കൽ പതിപ്പ് ഘട്ടംഘട്ടമായി ലോകമെമ്പാടുമുള്ള 2,000-ലധികം സ്റ്റോറുകളിലേക്കും എത്തിക്കാനാണ് പദ്ധതി. പുസ്തകത്തിന്റെ ഇന്ത്യയിലെ ഔദ്യോഗിക ലോഞ്ചുമായി ബന്ധപ്പെട്ട പരിപാടികളും ഉടൻ സംഘടിപ്പിക്കും.

Frankfurt Book Fair-ലെ പ്രദർശനത്തിന് പിന്നാലെ 2027 ജനുവരി 16 മുതൽ 24 വരെ ന്യൂഡൽഹിയിലെ Bharat Mandapam-ൽ നടക്കുന്ന New Delhi World Book Fair 2027-ലും പുസ്തകം പ്രദർശനത്തിനെത്തും.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa